ब्रेकिंग

  • निषेधाज्ञा ::: स्वनिगलय् श्रावण २७ गतेतक निषेधाज्ञा थप ।
zero media family planning adv

साउननिसें मोबाइल बन्द ! गुथकं दर्ता यायेगु आइ.एम.ई. आई. ?

नेवा: अनलाइन न्युज – ललेन्द्र शाक्य | २०७८ आषाढ ३१, बिहिबार १३:३९:४५

शुक्रवाःनिसें नेपाल दूरसंचार प्राधिकरणं मोबाइल डिभाइस म्यानेजमेन्ट सिस्टम लागू यायेत्यंगु दु । विदेशं मोबाइलया ‘चोरी पैठारी’ पनेत व तंगु मोबाइल अःपुक हे लुइकेत ग्वाहालि जुयाच्वंगु धाःगु थ्व सिस्टम फुक्क कथंया मोबाइलय् अनिवार्य याःगु दूरसंचार प्राधिकरणं जानकारी ब्यूगु दु ।

आइएमईआई युनिक आइडेन्टिफाइड कोड खः । गुकिं फुक्क मोबाइल डिभाइसयात सरकारी सिस्टमय् कःघायेगु ज्या याइ । प्राधिकरणया उपनिर्देशक व उपकरण स्तरीयकरण शाखाया प्रमुख दिनेश मैनालीया कथं साउननिसें आइएमईआई दर्ता मयाःगु मोबाइलत चरणबद्ध रुपं बन्द यायां यंकेगु नीति काःगु दु ।

नेपालय् हे मोबाइल पसःपाखें भ्याट पुलाः न्याःगु मोबाइलय् आइएमईआई न्हापा हे दर्ता जूगु जुइ । उपहार कथं वःगु मोबाइल वा भन्सारया सिस्टम पिनेपाखें हःगु मोबाइलय् च्वंगु आइएमईआई नम्बर प्राधिकरणया सिस्टमय् स्वानाच्वंगु जुइमखु । उज्वःगु मोबाइल सिस्टमय् मस्वाइबलय् न्ह्याग्गु इलय् नं बन्द जुइफूगुलिं याकनं हे मोबाइलयात सिस्टमय् स्वायेत नं प्राधिकरणं इनाप याःगु दु ।

थःगु मोबाइलया आइएमईआई दर्ता याःगु वा मयाःगु सीकेत ८३ण्ट३ डायल यानाः नं स्वयेफइ ।

आः आइएमईआई दर्ता यायेत शुल्क काइमखु । तर एमडिएमएस बाइ ल तयार याःगु दु । गुकिं निश्चित शुल्क क्वःछीगु तयारी याःसां नं आः क्वःछ्यूगु मदुनि ।

छु फाइदा जुइले सा आईमईआई दर्ता लिपा ?

मैनालीया कथं आइएमईआई दर्ता यायेधुंकाः उगु मोबाइल नेपाल दूरसंचार प्राधिकरणया सिस्टमय् स्वाइ । व सिस्टमय् स्वायेधुंकाः छखे भन्सार मपूसे हःगु मोबाइलयात नियन्त्रण यायेत अःपुइसा प्रयोगकर्ताया छुं नं मोबाइल तन धाःस व आइएमईआई नम्बरया मोबाइलय् छुं नम्बर जडान यानातःगु दु ? उकिया आधारय् तंगु मोबाइल लुइके फइ । उकिं थ्व बहुउपयोगी प्रविधि खः ।

Categorized in बजाः