prabhu baink new

सांसद शोभा शाक्ययात सम्पदा अभियन्तापिनिगु सुभाय्

नेवा: अनलाइन न्युज – विजयरत्न | २०७७ आश्विन १, बिहिबार १४:१३:०१

स्वनिगःया येँ, यल व ख्वपलिसें स्वनिगः पिनेतकं बुंगद्यःया रथयात्राया झ्वलय् ज्वंपि सम्पदा अभियन्तापिन्त त्वःतेकेगु नितिं स्वतःस्फूर्त वःगु जनलहर, जनदवाबप्रति प्रदेश ३ या सांसद शोभा शाक्यं आभार ब्यक्त यानादीगु दुसा नेवाः एकताया भावनां वःगु  जनसमर्थनयात सही सम्बोधन याना थ्व एकतायात  क्वातुसे च्वंकाः तयेमाः धकाः नं सांसद शाक्यं धयादिल ।

थःपिन्त बुंगद्यःया रथयात्राया झ्वलय् ज्वना यंका कुनातबले रिहाईया निंतिं सांसद शाक्यं यानादीगु पहलया निंतिं सुभाय् देछायेत वय्कःया छेँय् वःपिं सम्पदा अभियन्तापिन्त सम्बोधन यायेगु झ्वलय् सांसद शाक्यं थथे थःगु नुगः खँ तयादीगु खः ।

सुभाय् देछायेगु झ्वलय् अभियन्ता यादवलाल कायस्थं रेलिङ्गया च्यानल गेट दुनेया चिकुगु कोथाय् कुनातःबले जिमि वःयाये थ्व याये मदया अन्यौलया लकसय् लानाच्वंगु इलय् सांसद शोभा शाक्य तता न्हिंन्हिं खँबले तिनि पिहाँ वयेखनी धकाः आशा जागेजूगु खँ कनादिल ।

सांसद शोभा तताया कुतः लुमंकाः वय्कःयात सुभाय् देछानागु खः धकाः सम्पदा अभियन्तापिन्सं धाःगु दु ।

Categorized in नेवाः