nepal investment baink

सहकारीपाखें कयातःगु ऋण इलय् हे मपूपिन्त कारवाही यायेगु येँ महानगरया ख्याच्वः

नेवा: अनलाइन न्युज – ललेन्द्र शाक्य | ने.सं. ११४४ सिल्लागा नवमी (२०८० चैत्र ५ गते) सोमवाः

येँ महानगरपालिकां सहकारीपाखें कयातःगु रकम इलय् ह चुक्ता यायेत इनाप याःगु दु ।

महानगरपालिकाया सहकारी विभागं सार्वजनिक सुचं जारी यासें सहकारीपाखें कयातःगु साँवा व ब्याज इलय् हे मपूपिं दुजःपिन्त कानूनी कारवाही यायेगु ख्याच्वः ब्यूगु खः ।

ऋणीपिन्सं इलय् हे रकम चुक्ता मयाःबलय् सहकारीं बचतकर्ताया बचत रकम लितबिइमफूगु धासें सहकारी विभागं गुगु सम्झौता व सर्त कथं कयातःगु खः वहे कथं रकम लितबिइत धाःगु दु ।

सहकारीपाखें कयातःगु ऋण पुलेम्वाःगु भ्रम ब्वलंकूगु व वहे कथं गुलिंसिनं ऋण चुक्ता यायेत बहाना तःगु गुनासो वःगु विभागं जानकारी ब्यूगु दु ।

Categorized in स्थानिय-समाज