coved ad

सल्यानय् बस दुर्घटना : च्याम्ह सित

नेवा: अनलाइन न्युज – ललेन्द्र शाक्य | २०७८ कार्तिक २१, आइतबार १४:३१:४५

सल्यानय् दाङ वनाच्वंगु बस दुर्घटना जूगु दु । दुर्घटनाय् लानाः च्याम्ह मनूत सीगु जिल्ला प्रहरी ज्याकुथि सल्यानया डिएसपी गोविन्द थापां जानकारी ब्यूगु दु ।

सल्यानया खलंगापाखें दाङया तुलसीपुर वनाच्वंगु रा१ख २५५२ ल्याःया बस थौं आइतवाः सुथय् ११ ता इलय् कपुरकोट गाउँपालिका ५ य् च्वंगु खारखोलाय् दुर्घटना जूगु खः ।

डिएसपी थापाया कथं बस सतकं २०० मिटर क्वय् कुतुंवंगु खः । दुर्घटनाय् लानाः घाःपाः जूपिन्त वासः यायेगु नितिं सल्यानया हे श्रीनगर यंकूगु खः ।

Categorized in दुर्घटना-अपराध