zero media family planning adv

सर्लाहीइ नेकपा व कांग्रेस कार्यकर्तादथुइ ल्वापु : १२ म्ह घाःपाः

नेवा: अनलाइन न्युज – ललेन्द्र शाक्य | २०७७ आषाढ १५, सोमबार ११:३१:०२

सर्लाहीया धनकौल गाउँपालिकाय् स्थानीय नेकपा व कांग्रेस कार्यकर्तादथुइ जूगु ल्वापुइ १२ म्ह घाःपाः जूगु प्रहरीं जानकारी ब्यूगु दु । १२ बोरया बन्दुकया छर्रा लानाः इपिं घाःपाः जूगु खः । घाःपाः जूपिं फुक्कसिगु अवस्था सामान्य जूगु दु ।

नेकपा कार्यकर्ताया ट्याक्टरं कांग्रेस कार्यकर्ताया मोटरसाइकलयात लँ मत्वःतूगु त्वहलय् ल्वापू जूगु खः ।

प्रदेश २ या प्रहरी प्रमुख डिआइजी धीरजप्रताप सिंहं धाःगु दु, सामान्य विषयपाखें सुरु जूगु विवाद चर्के जुयाः निगुलिं पक्षया सच्छिम्ह सच्छिम्हं मल्याक्क मनूत मुंगु खः । वहे झ्वलय् स्वंगू राउण्ड गोली चलेजूगु तायेदूगु खः ।

गोली चेलजूगु बन्दुक सुयागु खः धैगु सीमदुनि । अय्सां, प्रहरीं स्थानीय मुकेश शाहयात गोली चलेयाःगु आशंकाय् गिरफ्तार याःगु दु ।

घाःपाः जूपिनिगु जिल्लाय् च्वंगु सरकारी अस्पतालय् वासः जुयाच्वंगु दु ।

आइतवाः बहनी ८ः३० ता इलय् जूगु घटनां उग्र रुप कायेधुंकाः स्थितियात नियन्त्रणय् कायेत नेपाल प्रहरी व सशस्त्र प्रहरीया पुचः गाउँपालिकाय् थ्यंकूगु खःसा छुं राउण्ड टियर ग्यास त्वःतूगु खः ।

Categorized in दुर्घटना-अपराध