1142 nhoo dan adv

सर्गतय् नगु स्वयेगु उत्कृष्ट थाय् नेपाः नं !

२०७३ कार्तिक २१, आइतबार १२:०८:४७

थौंकन्हय् आपालं थासं सर्गतय् नगु स्वयेत थाकु । तर, संसारय् थुज्वःगु छुं उत्कृष्ट थाय्त दु, गनं नगुत आनन्दं च्वना स्वये फइ ।

नेशनल जिओग्राफीं नगु स्वयेगु उत्कृष्ट थाय्तय्गु धलः सार्वजनिक याःगु दु, गुकी नेपाः नं लाःगु दु ।

नेपाःया सगरमाथा नेशनल पार्कं नगुत स्वये फइ । नेशनल जिओग्राफीया च्वमि बबाक ए तफरेसीं धयादी, “जिं आःतक खंगु दकले नाटकीय सर्गः धैगु सगरमाथा यात्राया झ्वलय् खः । नेपालीं सगरमाथा धायेबलय् सर्गःया कपाः धकाः थुइकेफु । नाम्चेबजार लिक्कच्वंगु सगरमाथा राष्ट्रिय निकुञ्जपाखें संसारया हे सवोच्च शिखरया च्वय् नुगत प्वालाप्वाला थिनाच्वंगु खंके फु ।”

अथेहे, चिल्लीया अटाकामा मरुभूमि, हवाईया टापु, दक्षिण पश्चिम अमेरिकाया राष्ट्रिय निकुञ्ज, क्यानरी द्वीपया ला पाल्मा, पश्चिमी अष्ट्रेलिया आउटब्याक, पोर्चुगलया अल्केभा नं सर्गतय् नगु स्वयेगु उत्कृष्ट गन्तव्यय् लाःगु दु ।