zero media family planning adv

सरीता गिरीं संशोधन लितमकाल ः समाजवादी संसदीय दलया बैठक

नेवा: अनलाइन न्युज – ललेन्द्र शाक्य | २०७७ जेठ ३१, शनिबार ०८:१३:०२

थःगु हे पार्टीया सांसद सरीता गिरी संविधान संशोधनया विपक्षय् दनेधुंकाः छु यायेगु धैगु विषयस सहलह ब्याकेत समाजवादी पार्टी संसदीय दलया बैठक च्वनीगु जूगु दु ।

नेपाःया न्हूगु नक्सा निशानछापय् अध्यावधिक यायेत संविधान संशोधन यायेत्यंगु दु । तर, समाजवादी पार्टीया सांसद गिरीं उकिया विरोध यासें संविधान संशोधन यायेमज्यूगु प्रस्ताव संसद सचिवालयस दर्ता याकुगु खः ।

समाजवादी पार्टीं थःगु प्रस्ताव लितकायेत गिरीयात निर्देशन ब्यूसां नं सांसद गिरी मानेमजूगु दु ।

थुकिया बारे सहलह ब्याकेत पार्टीया संसदीय दलया बैठक सःतूगु जानकारी समाजवादी पार्टीया प्रमुख सचेतक उमाशंकर अरगरियां ब्यूगु दु ।

अरगरियां सरीता गिरीया संशोधन प्रस्तावबारे संसदीय दलया बैठकय् सहलह जुइगु व निर्णय मजुइकं छु जुइ धकाः धायेमफूगु खँया जानकारी ब्यूगु दुसा तर अझ नं फिर्ता कायेगु ई दूगु व हाउसय् नं लित कायेफइगु खँ धाःगु दु ।

थ्वसिबें न्ह्यः समाजवादी जनता पार्टीं संशोधन लितमकाःसा सांसद सरीता गिरीयात कारवाही यायेगु ख्याच्वःलिसेंया विज्ञप्ति सार्वजनिक याःगु खः ।

प्रतिनिधि सभाया शनिवाः न्हिनय् १ ता इलय् च्वनीगु बैठकं नक्सा सम्बन्धी नेपाःया संविधान निक्वःगु संशोधन विधेयक पारित यायेगु कार्यसूची दु ।

Categorized in राजनीति