city axpris 2

सरकार त्वःताः सतकय् सिके राउत !

नेवा: अनलाइन न्युज – ललेन्द्र शाक्य | २०७९ माघ ५, बिहिबार १४:४९:५०

जनमत पार्टी सरकारयात ब्यूगु समर्थन लितकायेगु तयारीइ ब्वाँ जूगु दु । थ्वसिबें न्ह्यः प्रधानमन्त्री पुष्पकमल दाहाल प्रचण्डयात विश्वासया मत बियाः सरकारय् सहभागी जूगु जनमत पार्टी मन्त्रालय बांलाःगु कायेमखंगु धासें सरकारपाखें पिहाँ वयेगु तयारीइ पलाः न्ह्याकूगु दु ।

जनमतपाखें न्वकू व सांसद अब्दुल खान खानेपानी मन्त्री जूगु खः । तर, जनमतं उद्योग व कृषिमध्ये छगू मन्त्रालय माग याःगु खः । ल्यःगु मन्त्रालय कायेमखनेधुंकाः आः जनमत प्रधानमन्त्री प्रचण्डलिसे असन्तुष्ट जूगु दु । सिके राउतं बुधवाः हे शासक वर्गलिसे नश्लीय सोच दूगु धासें मधेशी, थारु लिसेंयापिन्सं थःपिनिगु संघर्ष जारी यायेगु अभिव्यक्ति ब्यूगु खः ।

राउतं सरकार त्वःताः सतकय् वनेगु धायेधुंकूगु दु । राउतं थःपिनिगु दलपाखें मन्त्री जूम्ह खानयात राजीनामा बिइत तयारी अवस्थाय् च्वनेत निर्देशन ब्यूगु दु । खानं म्हिगः बुधवाः हे प्रधानमन्त्री प्रचण्डलिसे नापलानाः थःपिनिगु असन्तुष्टि न्यंकूगु खः ।

जनमतं खानेपानी मन्त्रालयस चित्त बुझे यायेमालीगु खःसा मेगु छगू मन्त्रालय नं कायेखनेमाःगु अडान तःगु दु ।

Categorized in राजनीति