coved ad

सरकारय् मिसा सहभागिताया नितिं काबुलय् प्रदर्शन

नेवा: अनलाइन न्युज – ललेन्द्र शाक्य | २०७८ भाद्र २०, आइतबार १०:५३:११

सरकारय् मिसापिनिगु सहभागिता दयेमाःगु व विना छुं अवरोध ज्या यायेदयेमाःगु माग तसें मिसा अधिकारवादीपिन्सं अफगानिस्तानय् मदिक्क प्रदर्शन याःगु दु ।

इमिसं राजधानी काबुल व हेरत प्रान्तय् छुं दिं थुखे प्रदर्शन यानाच्वंगु दु । प्रदर्शनय् तालिवान लडाकुं हस्तक्षेप तकं याःगु खः ।

मिसा अधिकारवादीपिन्सं सरकारय् थःपिनिगु सहभागिता दयेमाःगु व विना छुं अवरोध ज्या यायेदयेमाःगु अधिकारया सुनिश्चितताया माग याःगु दु ।

तालिवानं धाःसा मिसापिन्त सरकारय् सहभागिता याकेगु तर मन्त्री धाःसा मयायेगु धाःगु दु । यक्वसिनं तालिवानं न्हापाया शासनकालय् थें थःपिनिगु अधिकार खुम्चेयाइगु ला मखुला ? धकाः चिन्ता प्वंकाः वयाच्वंगु दु ।

Categorized in अन्तर्राष्ट्रिय