zero media family planning adv

सरकारया सरोकार ः कार्पेट कि पीसीआर ? १० अर्ब गन वन ? लःया फोहोरां तितरवितर !

नेवा: अनलाइन न्युज – ललेन्द्र शाक्य | २०७७ जेठ २७, मंगलबार १२:१०:३४

कोरोना महामारीया इलय्, लकडाउन जुयाच्वंगु इलय् सरकारं कर पुलेत ताकेता याःगु विरोधय् बालुवाटारय् थौं मंगलवाः सुथय् प्रदर्शन जूगु दु ।

बालुवाटार क्षेत्रय् भेला जूपिं सामाजिक अभियन्ता व व्यवसायीपिन्सं सरकारया पलाःया विरोध यासें प्रदर्शन याःगु खः । इमिसं कोरोना महामारीइ खर्च जूगु धाःगु १० अर्ब गन वन ? धकाः नं न्ह्यसः तःगु दु ।

लिसें लिपांगु इलय् १४ दिं अस्पतालय् तःसां नं लक्षण खनेमदुसा डिस्चार्ज याइगु सरकारया नीतिया नं इमिसं विरोध धाःगु दु ।

थीथी कथंया ख्वाःपाः पुयाः तकं इमिसं आरडिटी परीक्षण पनाः पीसीआर परीक्षण यायेत माग याःगु दु ।

उगु प्रदर्शनीस्थलय् निम्ह प्रहरी नायब उपरीक्षक डिएसपीया पुचः नं थ्यंकूगु खःसा प्रहरीं लःया फोहोरा छ्यलाः प्रदर्शनकारीपिन्त तितरवितर याःगु खः ।

Categorized in राजनीति