zero media family planning adv

सरकारया विरोधय् स्वां, सरकारयात थःगु दायित्वया स्मरण

नेवा: अनलाइन न्युज – ललेन्द्र शाक्य | २०७७ जेठ ३१, शनिबार ११:४९:३१

कोरोना रोकथाम व नियन्त्रणया नितिं जूगु खर्च विवरण पारदर्शी यायेत माग यासें थौं शनिवाः येँय् प्रदर्शन जूगु दु ।

येँया माइतीघर मण्डला क्षेत्रया सतक सिथय् मुनाः याःगु प्रदर्शनय् लिम्पियाधुरालिसेंया न्हूगु नक्साया नितिं सरकारयात सुभाय् बिसे. कोरोना नियन्त्रणया क्षेत्रय् जूगु धाःगु १० अबृया ल्याःचाः माग याःगु दु ।

इमिसं न्हापांगु दिंया प्रदर्शनय् थें हे क्वारेन्टाइनयात जोखिमयुक्त यायेत व शतप्रतिशत पीसीआर परीक्षण यायेत नं माग याःगु दु । इमिसं ल्हाःतय् गुलाब स्वां ज्वनाः सरकारयात थःगु दायित्व ल्वःममंकेत स्मरण याकूगु खः ।

प्रदर्शन शान्तिपूर्ण जूगु दु । उगु क्षेत्रय् आपालं ल्याखय् प्रहरी परिचालन याःगु खः ।

प्रदर्शनस्थलपाखें प्यम्ह विदेशी नागरिक व छम्ह नेपालीयात प्रहरीं नियन्त्रणय् काःगु दु । नियन्त्रणय् काःपिन्त नगर प्रहरीं जिम्मा काःगु दु ।

Categorized in राजनीति