kmc bidya

सम्पादक श्रेष्ठ स्वदेश लिहाँ वल

नेवा: अनलाइन न्युज – राजीव राजोपाध्याय | २०७६ फाल्गुण २, शुक्रबार १३:५४:४४

मेस्से फ्रान्कफर्टया विशेष ब्वनाय् एम्बिआन्टे मेला २०२० अवलोकन भ्रमणया नितिं वंगु वाः जर्मनी झाःम्ह स्वतन्त्र संचारग्राम साप्ताहिकया सम्पादक दानदास श्रेष्ठ नेपाः लिहाँ झाःगु दु ।

वंगु फेब्रुअरी ७ तारिख शुक्रवाःनिसें विश्वया १७० गूसिबें अप्वः मुलुकया सहभागिताय् न्यान्हुयंकं मेस्से फ्रान्कफर्ट अन्तर्राष्ट्रिय ब्यापारिक मेला मेस्से फ्रान्कफर्टया थःगु हे भीमकाय परिसरय् ग्वसाः ग्वःगु खः ।

मेस्से फ्रान्कफर्टं थःगु हे भूमि जर्मनीया लिसें चीन, जापान, अमेरिका, बेलायत, स्पेन लिसेंया थीथी मुलुकय् ब्यापारिक मेला ग्वसाः ग्वयाः वयाच्वंगु दु ।

जर्मनीया फ्रान्कफर्टय् मू ज्याकुथि दूगु मेस्से फ्रान्कफर्टया नेपाः लिसेलिसें विश्वया ५५ देसय् शाखा ज्याकुथि दु ।

नेपाःयापाखें मेस्से फ्रान्कफर्टया आधिकारिक नेपाल प्रतिनिधि विनोद मल्लया नेतृत्वय् नेपाली उद्यमी व्यापार व्यवसायीपिंपाखें मेस्से फ्रान्कफर्टया १८ गू स्टलत संचालन याःगु खः ।

नेपालं थुगु दँ पश्मिना, मूर्तिकला, हस्तकला, धातुजन्य हलंज्वलं व तयारी वसः, टेक्सटाइल लिसेलिसें थ्यंमथ्यं १०० गू थीथी कथंया हलंज्वलं मेलाय् प्रदर्शन याःगु खः ।

कोरोना भाइरसया हुनिं भिजिटरपिं म्हो जुइगु आशंका याःसां नं लिपांगु दिंतकया दुने २ लखसिबें अप्वः उपभोक्तापिन्सं अवलोकनकर्ताया उपस्थिति दुसां नं ग्वसाः खलकं लसता पिज्वयेकूगु दु ।

डाइनिङ्ग, लिभिङ्ग व गिभिङ्ग अर्थात् भुतू ज्याया हलंज्वलं, बैठकया थीथी हलंज्वलं व उपहारजन्य पहिरन परिधान आदिया अर्डर फेयरया नितिं ग्वसाः ग्वःगु उगु तःधंगु मेलाय् नेपाली पुचलं पश्मिना, हस्तकलाया नेपाली उत्पादनया मिइगु ज्यापाखें थ्यंमथ्यं १ अरब आम्दानी यायेगु अनुमान तःगु खः ।

Categorized in बजाः