1142 nhoo dan adv

समाजसेवी लक्ष्मीदास मानन्धर ९४ दँ क्यन

नेवा: अनलाइन न्युज – ललेन्द्र शाक्य | २०७८ कार्तिक २५, बिहिबार ११:३१:४१

भाषासेवी, समाजसेवी, उद्योगपतिलिसें नेपाल संवत आन्दोलनया प्रणेता लक्ष्मीदास मानन्धर थौं ने.सं. ११४२ कछलाथ्व सप्तमि (कार्तिक २५ गते) बुधवाः ९४ दँ क्यंगु दु ।

नेपालभाषा ख्यलय् थःत निरन्तर रुपं पानाः वयाच्वनादीम्ह मानन्धर छम्ह भाषासेवी अले धर्मसेवी, उद्योगपति लिसें राजनीतिज्ञ नं खः । वय्कःया कुतलय् मुक्कं नेपालभाषाया माध्यमं ब्वंकीगु जगतसुन्दर ब्वनेकुथि पलिस्था जूगु खःसा अथेहे वय्कः धर्मोदय सभाया न्वकू (उपाध्यक्ष) नं खः ।

अथेहे, वय्कः पुलांम्ह सांसद, उद्योग वाणिज्य महासंघया नायः व न्हूदँ समारोह समितिया सल्लाहकार समितिया कजि खः ।

थौंकन्हय् वय्कः मानन्धर तुति स्याःगु हुनिं छेँय् हे आराम यानाः च्वनाच्वनादीगु दुसा वय्कः छेँय् च्वनाः विशेष थ्व इलय् राष्ट्रिय जनगणना २०७८ य् बौद्ध धर्मावलम्बीपिनिगु ल्याः पायछि कथं जुइमाः धकाः अभियान न्ह्याकाः वयाच्वनादीगु दु ।

वय्कः थौं बुधवाः ९४ दँ क्यंगु लसताय् न्हूदँ समारोह समिति ११४२ या नायः निरञ्जनरत्न शाक्यलिसें समितिया दुजःपिन्सं वय्कःयात भिन्तुना देछानादीगु दु ।

Categorized in नेवाः