Mohanai 2078 KTM

समाजसेवी कलाकार ज्यापुनि इन्दुया ‘अयलाः हे नशा खः कि...’ पिदन (भिडियो)

नेवा: अनलाइन न्युज – Bijay Ratna | २०७८ आश्विन २७, बुधबार १६:१३:४३

अयलाःया हुनिं जीवनय् लाइगु लिच्वःयात कया  नुगलय् थीगु बाखनय् दयेकातःगु म्ये ‘अयलाः हे नशा खः कि...’ या म्युजिक भिडियो हाइलाइट्स नेवार युत्युबय् सार्वजनिक याःगु दु ।

मोहनी नखःया लसताय् पिदंगु थुगु म्ये राजेश शाक्यं हालादीगु खःसा वयक थःम्हं हे लसय् हनादीगु खः ।

थ्व म्येय् समाजसेवी कथं नांजाःम्ह कलाकार इन्दु ज्यापुनि व विकास शाक्यया मू भुमिका दु ।

विकाश शाक्यया निर्देशनय् तयार जुउगु थ्व म्येय् मचा कलाकार सिरपाः खडगीया नं भुमिका दु ।

अथेहेतुं थुके बि के नेवाः, अनिल तुलाधर, अष्ट महर्जन, बिकास महर्जन, अजय महर्जन, पुर्णमाया महर्जन, रत्न महर्जन लगायतं नं थीथी भुमिका म्हितातःगु दु ।

थ्व म्येया च्वमि रमेशबीर डंगोल खःसा म्ये च्वज्याय् बालकृष्ण महर्जन व बिकास शाक्यया क्वातुगु स्वापु दु । 

रजिन महर्जनया सिनेमाटोग्राफि व एडिटिंग दुगु थुगु म्येया निंतिं बाजं ग्वसाः शिव शाहीं ग्वयादीगु खः ।

(थन क्लीक याना भिडियो स्वयादिसँ)

Categorized in कला