coved ad

सभापति पदय् जिगु दाबी कायम हे दु : प्रकाशमान सिंह

नेवा: अनलाइन न्युज – ललेन्द्र शाक्य | २०७८ मङ्सिर २३, बिहिबार १२:५९:४६

नेपाली कांग्रेसया नेता प्रकाशमान सिंहं पार्टी सभापति पदय् थःगु दाबी कायम हे दूगु धाःगु दु । येँया बानेश्वरय् बिहिवाः सुथय् सन्त नेता कृष्णप्रसाद भट्टराईया झ्वाता (सालिक) अनावरण यासें नेता सिंहं १४ क्वःगु महाधिवेशनय् सभापति पदया ब्वाकासापाखें लिमचिलेगु धाःगु खः ।

कांग्रेसयात विधि विधान कथं न्ह्याकेत व जनताया अपेक्षा पूवंकेगु भलसायोग्य पार्टी दयेकेत सभापतिइ थःम्हं दाबी यानागु नेता सिंहं धाःगु दु ।

कांग्रेसया संस्थापनइतर पुचलय् सभापति पदया आकांक्षीपिन्सं थःपिनिगु दाबी मत्वःतूबलय् उम्मेदवार क्वःछीत थाकुयाच्वंगु इलय् सिंहया थुज्वःगु धापू सार्वजनिक जूगु खः ।

संस्थापनइतर पुचःपाखें नेता सिंहलिसें बरिष्ठ नेता रामचन्द्र पौडेल, महामन्त्री डा. शशांक कोइराला व केन्द्रीय दुजः डा. शेखर कोइराला आकांक्षी खः ।

शशांकं सहमति जूसा थः लिचिलेगु धाःगु दुसा पौडेलं सिंह व शेखर दथुइ सहमति मजूसा सभापतिया रुपं थः न्ह्यःने वयेगु धाःगु दु ।

Categorized in राजनीति