nepal investment baink

सन् २०३४ या विश्वकप फुटबल साउदी अरेबियाय् जुइगु पक्का

नेवा: अनलाइन न्युज – ललेन्द्र शाक्य | २०८० कार्तिक १५, बुधबार १०:४४:३७

सन् २०३४ या विश्वकप फुटबल साउदी अरेबियाय् जुइगु पक्काथें हे जूगु दु ।

अन्तर्राष्ट्रिय फुटबल महासंघ फिफां थुकिया औपचारिक घोषणा यायेगु धाःसा ल्यंदनि ।

एसिया वा ओसिआनाय् सन् २०३४ या विश्वकप ग्वसाः ग्वयेगु क्वःछिनागु फिफां ग्वसाः ग्वयेगु नितिं प्रस्ताव यायेत ब्यूगु ई सीमा थौं बुधवाःतक दु ।

उगु ई क्वचाइगु छुं घौ न्ह्यः फुटबल अष्ट्रेलियां सन् २०३४ या विश्वकप ग्वसाः ग्वयेगु नितिं धेंधेंबल्ला मयायेगु निर्णय याःगु दु ।

सन् २०२६ या मिसा एसियन कप व सन् २०२९ या क्लब वर्ल्ड कप ग्वसाः ग्वयेगुलि केन्द्रीत जुइत थ्व निर्णय कयागु अष्ट्रेलियां धाःगु दु । अष्ट्रेलियां थुगुहे खुसि मिसा विश्वपक फुटबल नं ग्वसाः ग्वयेधुंकूगु दु ।

अष्ट्रेलियां सन् २०३४ या विश्वकप ग्वसाः ग्वयेगुलि दाबी मयायेगु निर्णय यायेधुंकाः विश्वकप ग्वसाः ग्वयेगुलि साउदी अरेबिया याकःचा खनेदूगु दु । थ्व अधिकार साउदीं काःसा झिंनिदँया दुने हे निक्वःगुखुसि एसियाय् विश्वकप जुइगु पक्का जूगु दु । कतारं वंगु दँ विश्वकपया सुथांलाक्क ग्वसाः ग्वःगु खः ।

सन् २०२६ या विश्वकप अमेरिका व क्यानडाय् व सन् २०३० या विश्वकप धाःसा मोरक्को, पोर्चुगल व स्पेनय् जुइ ।

सन् २०३० य् विश्वकप फुटबल न्ह्याःगु सच्छि दँ थ्यनीगु जूगुलिं अर्जेन्टिना, पाराग्वे व उरुग्वें छुं संस्करणात्मक कासा ग्वसाः ग्वइगु जूगु दु ।

Categorized in कासा