city axpris 2

सजिलमान शाक्यया न्यायया नितिं द्वलंद्वः जनलहर (किपाः)

नेवा: अनलाइन न्युज – ललेन्द्र शाक्य | २०८० माघ २३, मंगलबार ११:४०:५८

यलया पूच्वय् च्वंगु स्क्वायर होटलया स्वीमिङ पुलय् वंगु भाद्र १५ गते करन्टं ज्वनाः घाःपाः जूम्ह सजिलमान शाक्य न्याला ई फुइधुंकाः नं आःतक अस्पतालय् कोमाय् हे लानाच्वंगु व सम्बन्धित निकायपाखें दोषीपिन्त कारवाही मजूगु धासें विरोधया सः थ्वयाच्वंगु दु ।

थ्वहे विरोधया सः कथं थौं मंगलवाः सजिलमान शाक्ययात न्याय बिइकेगु नितिं जनप्रदर्शन जूगु दु । यलया मंगलबजारय् यल जिल्लान्यंकंया थीथी खलः पुचलं ब्वति काःगु दुसा येँपाखें नेवाः अभियन्तापिं पवित्र बज्राचार्य, उमेश स्थापित, सुजीव बज्राचार्य, गणपतिलाल श्रेष्ठ इत्यादी न्ह्यलुवाःपिनिगु नेतृत्वय् यलया यलध्वाखाय् मुनाः मंगलबजाः थ्यंकूगु खः ।

सजिलमान शाक्यया न्यायया नितिं जूगु उगु जनप्रदर्शन यल प्रशासन ज्याकुथिइ थ्यंकाः ज्ञापन पौ लःल्हाइगु ज्याझ्वः तयातःगु दुसा ज्ञापन पौ लःल्हायेधुंकाः सभा जुइगु ज्याझ्वः नं तयातःगु दु ।

सजिलमान शाक्ययात न्याय बिइकेगु नितिं व दोषीपिन्त कारवाहीया दायराय् हयेमाःगु मागयात समर्थन यासें द्वलंद्वः जनसमुदायपिनिगु उपस्थिति दूगु खः ।

Categorized in नेवाः