city axpris 2

सजिलमान शाक्ययात न्याय बिइत यल जिल्ला प्रमुखयात ज्ञापन पौ लःल्हात

नेवा: अनलाइन न्युज – ललेन्द्र शाक्य | ने.सं. ११४४ पोहेलागा एकादसी

सजिलमान शाक्ययात निष्पक्ष न्याय बिइत व दोषीयात कडा कारवाही यायेगु नितिं कानूनी प्रक्रिया न्ह्याकेगु माग यासें थौं मंगलवाः यलया मंगलबजारं पिदंगु विशाल शान्ति ¥यालि यलया मानभवनय् च्वंगु यल जिल्ला प्रशासन ज्याकुथिइ थ्यंकाः जिल्ला प्रशासन प्रमुखयात ज्ञापन पौ लःल्हाःगु दु ।

सजिलमान शाक्यया अबु पुष्करमान शाक्ययात न्ह्यःने तयाः संघर्ष समितिं यल जिल्लाया सिडिओयात थथे ज्ञापन पौ लःल्हाःगु खः ।

ज्ञापन पौ लःल्हाना कासें यल जिल्लाया सिडिओ नं निष्पक्ष कानूनी प्रक्रिया न्ह्याकाः अपराधीयात कारवाही यायेगु बचं बिसें थ्व घटनायात कयाः लिपाया दिं थथे संघर्ष यायेम्वालीगु बचं बियादीगु खः ।

मंगलबजाःनिसें न्ह्याःगु ¥यालि यलया प्रतिष्ठित व्यक्तिपिं, थीथी राजनीतिक पार्टीया नेता कार्यकर्तापिं अथेहे, जातीय खलः पुचःया प्रतिनिधिपिं व नेवाः न्ह्यलुवाः व नेवाः अभियन्तापिन्सं थौंमंगलवाः जूगु शान्ति ¥यालिया नेतृत्व यानादीगु खः ।

Categorized in नेवाः