1142 nhoo dan adv

सच्छि दँ मल्याक पुलांगु हसना छगः सिसीइ

२०७२ भाद्र ७, सोमबार १४:१०:३२

ब्रिटेनया छगू मरीन एशोसियशनया कथं सच्छि व च्यादँ न्ह्यः समुद्रय् वांछ्वयातःगु छगः सिसीइ तयातःगु हसना(सन्देश) संसारया हे दकले पुलांगु हसना खयेफु धकाः अनुमान याःगु दु ।

उत्तरी समुद्रय् सन् १९०४–१९०६ पाखे समुद्रय् वांछ्वःगु उगु सिसी जर्मनीया ऐमरुम वीचय् छम्ह मिसां लुइकूगु खः ।

थुगु सिसीया दुने तयातःगु पोष्टकार्डय् च्वयातःगु दु कि थुगु सिसीया हसना लुइके खतं थुकियात ब्रिटेनया मरीन बायोलोजिकल एशोसियशनयात लःल्हाना ब्यु ।

थुगु एशोसियशन धाःगु दु कि थुगु सिसी छगू शोध अनुसन्धान यायेगु नितिं समुद्रय् वांछ्वःगु थ्यंमथ्यं द्वःछि गः सिसीत मध्येया छगः खः ।