nepal investment baink

सच्छिपु थ्यनीन सुरेन्द्र मानन्धरया म्युजिक भिडियो

नेवा: अनलाइन न्युज – विजयरत्न | ने.सं. ११४४ सिल्लाथ्व सप्तमी

ख्यालिन्हिलि ख्यलय् नांजाःम्ह सुरेन्द्र मानन्धर नेपालभाषाया मनोरन्जन ख्यलय् छगू ज्वःमदुम्ह व्यक्तित्व जुया न्ह्यःने वयाच्वंगु दु । विशेष याना ईमेज च्यानल टेलिभिजनय् ‘समयबजि’ सिरियलपाखें नांजाःम्ह मानन्धर च्वमि, म्येच्वमि, म्येहालामि लिसेलिसें नांजाःम्ह म्युजिक भिडियो निर्देशक खः ।

मानन्धरया निर्देशनय् दयेकुगु ‘आः जि छु याये यःमां’ नांयागु छपू न्हूगु म्युजिक भिडियो बुधवाः श्रीपन्चमिखुन्हु पितब्वज्या जुउगु दु । थ्व म्युजिक भिडियोलिसें निर्देशक सुरेन्द्र मानन्धरया निर्देशनय् पिदंगु म्युजिक भिडियोया ल्याः सच्छिपु थ्यनीगु धलखय् लाःगु दु ।

प्रबिनचन्द्र बज्राचार्यं हालादीगु थ्व म्ये मानन्धर भाजुं हे च्वयादीगु खः । दिपेश सिंह व आकाश महर्जनं लय् चिनादीगु व थ्व म्येया म्युजिक भिडियो दुने सुरेन्द्र मानन्धरया नापनापं रबिता बके श्रेष्ठ, सरस्वति मानन्धर, ध्रुब कपाली, सुरेश मानन्धर, म्येहालामि प्रबिनचन्द्र बज्राचार्य व संगीतकार दिपेश सिंह लगायतया कलाकारपिनिगु अभिनय दुथ्यानाच्वंगु दु ।

निर्देशक सुरेन्द्र मानन्धरया मेमेगु सिर्जनाथें हें थ्व नं ख्यालिन्हिलिं जाःगु सिर्जना खः । अले इहिपा यायेबले बाँलाक्क विचाः यायेमाः धइगु सन्देश बिइगु कुतः जुयाच्वंगु थ्व भिडियो पितब्वज्याय् नांजाःम्ह म्येहालामि जुजुकाजि रन्जित मूपाहाँ कथं झायादीगु खः ।

 

ज्याझ्वलय् नेवाः टिभिया हामा नबिन जोशी, सन्चारकःमि व संकिपामि दर्शनवीर शाक्य व सिने पत्रकारिता ख्यःया न्ह्यलुवा विजयरत्न असंबरे विशेष पाहाँ कथं झायादीगु खः ।

Categorized in कला