नेवा: अनलाइन न्युज | २०७३ माघ १९, बुधबार १६:४८:४८

छगू अनुसन्धान पुचलं मनूत स्वस्थ व सक्रिय जुयाच्वनेत भतिचा अय्लाः नं नसात्वंसाया धलखय् लाकेगु बांलाइ धकाः प्रतिवेदन पिकाःगुदु । नापं ठीक्क मात्राय् अय्लाः त्वनिपिनिगु आयु नं ताहाः जुइगुखं उगु अनुसन्धानय् क्यनतातःगुदु ।

नुगःचु सम्बन्धि छगू युरोपियन अनुसन्धान पुचलं याःगु अध्ययन कथं मात्रामिलय् जुइक भति भति अय्लाः नं त्वनेगु यात धाःसा नुगःचु सम्बन्धी ल्वये नं मजूइगु धाःगु दु । डेनमार्कया छगूअनुसन्धान पुचलं सक्रिय जीवन न्ह्याका च्वंपिन्त नुगःचु सम्बन्धिल्वचं वइगुसंभावना कम जुइगु व नापं मात्रा मिलय् जुइक भति भति अय्लाः नं त्वनीपिन्तला थज्याःगु ल्वचं काइगु सम्भावना झन म्ह्वः जक जुइगु खं पिथंगु दु ।अय्लाः यात बांमलाःगु धकाः जक खं पिहां वायच्वंगुबलय् थुगु पुचलं अय्लाः? सम्बन्धी सकारात्मक खं्र नं दुगु प्रतिवेदन पितब्यूगु दु । मेखे इंग्ल्याण्डया स्वास्थ्य कःमिपि.सं धाःसा मनूतय्त अय्लाः त्वनेत उक्सय् याये मज्यूगु व अय्लाखं यक्व हे हानी यायेफूगु खं पिथंगु दु ।

थुगु पुचलं १२द्वः मिसा मिजं तय्बारे लगभग २० द्वः तक अध्ययन यानागु १२४२ म्ह मनुत अय्लाःया कारणं नुगःचु सम्बन्धि ल्वय् जुया मदुगु धकाः धाःगु दु । थथे निगु अध्ययन पुचलं अय्लाः सम्बन्धि निगू पुचःया थवंथवय् ल्वाकबाक जुइक प्रतिवेदन ब्यूगु दु । अय्ला त्वनेगु नेवा संस्कृतिइ परम्परां निसें न्ह्याना वयाच्वंगु खँ खः । न्हापा ला झी पाहाँतय् सत्कार यायेगवु हे खँय् वःव अय्ला न्ह्यचाका याइगुचलन नं दुगु खः । तर अय्लाया मात्रा स्वयां उप्वः त्वनाःथुकिया विकृति जक यक्व खनेदत । ठीक मात्रा कयाः स्वस्थ व तन्दुरुस्त जुयाच्वंपिनिगु उलि बयान नंमजुल । उकिं झीगु समाजय् नं अय्लागुलु धकाः ब्वबिया हयेगु यात । तर थुइके माःगु खँ छु धाःसा न्ह्यागु चीजया नं छगू मात्रा दइ । मात्रा स्वयां उप्वः वासः हे विष जुइ धाःसा अय्ला नं ला व हे खःनिं। उकिं भति भति अय्ला त्वनेगुबामलाःगु मखु । थुकि स्वास्थ्य बांलाःगुहे लिच्ँवः लाकी बरु मात्राय् बियाःचाहिं यायेमाः ।