zero media family planning adv

संस्कृत भाषां आखः ब्वकेत्यंगुलिं जनता समाजवादीया सःतिगु संगठन पाखें बिरोध

नेवा: अनलाइन न्युज | २०७७ बैशाख २७, शनिबार २०:५७:३३

जनता समाजवादी पार्टी नाप सःतिगु थीथी  संघीय संगठनं मंकाःविज्ञप्ति पित बिसें सरकारं संस्कृत भाषायात हानं ब्वकेत स्वयेगु ज्या प्रतिकृयावादी व प्रतिगमनकारी पलाः धकाः बिरोध याःगु दु ।

थथे मंका कथं पितब्यूगु विज्ञप्तिइ ल्हाचिं संस्कृत भाषा आखः ब्वकेगु उपादेयता, औचित्य व सान्दर्भिकता मदुगु कारणं वंगु न्हिं व्यापक बिरोध जुगुलिं पाठ्यक्रम चियके धुकुगु तर आ वया हानं पंचायती शिक्षा प्रणाली संघीय लोकतान्त्रिक गणतन्त्र कालय् हानं म्वाकेगु वर्तमान नेकपा सरकारया नश्लीय व  जातीय सर्वसत्तावाद जुगु खँ न्ह्यथंनातःगु दु ।

विज्ञप्तिइ खगेन्द्र माखिम, नायःलिम्बुवान राष्ट्रिय समिति, जुद्द ढाक्रे, नायः किरात राष्ट्रिय समिति, लाक्पा शेर्पा, ईन्चार्ज शेर्पालुङ राष्ट्रिय समिति, कृष्ण घलान, नायः ताम्सालिङ राष्ट्रिय समिति, मनरत्न शाक्य, नायः नेवाः राष्ट्रिय समिति, दलमर्दन कामी, नायः शिल्पी विशेष प्रदेश समिति, हुम गुरुङ, नायः तमुवान राष्ट्रिय समिति, सरुन बाठा मगर, ईन्चार्ज मगरात राष्ट्रिय समिति, राजन केसी, ईन्चार्ज खसान राष्ट्रिय समिति, होरिलाल चौधरी, अध्यक्ष थरुहट राष्ट्रिय समिति तयातःगु दु । 

Categorized in राजनीति