Mohanai 2078 KTM

संसारया विनाश जुइगु ‘संकेत’ क्यन !

२०७७ भाद्र २७, शनिबार १२:४९:२९

थ्व संसार विनाश जुइगु सवालय् संसारन्यंकं ब्यागलं ब्यागलं कथंया भविष्यवाणी जुयाच्वंगु दु ।

इजरायलय् छुं दिं न्ह्यः जक संसार अन्त्य जुइगु संकेतया विषय पिहाँ वःगु दु । सां ह्याउँगु रंगयाम्ह मचा (बाच्छी) बुइके धुंकाः थुज्वःगु भविष्यवाणी याःगु खः । सां ह्याउँगु रंगया मचा बुइकूगु विषययात कयाः आः थ्व संसारया अन्त्य जुइगु दावी याःगु दु । ह्याउँगु रंगया मचाम्ह सायात यक्व न्ह्यः हे सां बुइकूगु खः । सामाजिक संजालय् सुं धाःसा पत्याः यानाः ग्याःचिकुइ लाःगु दुसा गुलिस्यां थुकियात अन्धविश्वास धकाः धयाच्वंगु दु ।

छगू मिडियाया रिपोर्ट कथं इसाई व यहुदी धर्म ग्रन्थय् ह्याउँम्ह सा (बाच्छी) जन्म जुइगु धैगु संसारया हे सर्वनाश जुइगु संकेत खः धकाः च्वयातःगु दु । आः नवजात मचाम्ह साया विषयस गम्भीर रुपं अनुसन्धान जुयाच्वंगु दु । ह्याउँगु रंगयाम्ह मचाम्ह सा जन्म जूगु इन्स्टिच्युटं हे दकले न्हापां यूट्युबय् तःगु खः ।

ह्याउँगु रंगयाम्ह सायात बांलाक्क जाँच यायेधुंकाः जक मुक्कं ह्याउँगु खः वा मखु धैगु सीदइ ।

छम्ह देवदूतं धाःगु दु, ह्याउँगु रंगयाम्ह सा जन्म जुइबलय् थ्व संसार हे विनाश जुइ । इसाई व यहुदीइ संसार विनाशलिसे स्वनाच्वंगु भविष्यवाणीइ ह्याउँगु रंगया सा दकले महत्वं जाःगु चीज खः । 

बाइबलय् धयातःगु दु कि धरतीइ पूर्ण रुपं ह्याउँगु रंगया सां जन्म काःगुया अर्थ यहुदी मसिहां जन्म काःगु खः ।

–एजेन्सी