Mohanai 2078 KTM

संसारया दकले थिकेम्ह सा : मू ४ करोड

२०७७ फाल्गुण १०, सोमबार १६:१४:१८

छम्ह साया मू गुलि जुइ ? सुं साया मू ४ करोड तका दां धायेबलय् पत्याः जुइला ?

बेलायतय् छम्ह सा ४ करोड तका दांसिबें अप्वः मू तयाः म्यूगु दु । वलिसें उम्ह सां संसारया हे दकले थिकेम्ह साया रुपं कीर्तिमान तःगु दु ।

कार्लिस्लेय् जूगु लिलामीया झ्वलय् उम्ह सा २ लख ६२ हजार पाउण्डय् म्यूगु खः । बेलायतया शिफनलय् जन्म जूम्ह पोश स्पाइस नश्लया उम्ह सा कीर्तिमानी मूपाखें मिइधुंकाः साया मालिकनी क्रिस्टिन विलियम्स व वया भाःत पिटर टिपेट्सपिन्सं अतिकं लसता प्वंकूगु दु ।

इमिगु पशु फार्मय् १३० म्ह सा व १००० म्हति फै दु । उपिंमध्ये छुं नश्लत अतिकं बहुमूल्य व दुर्लभ नश्ल तकं दु ।

लुमंकेबहःजू, थ्वसिबे. न्ह्यः सन् २०१४ स पोश स्पाइस नश्लया हे छम्ह मचाम्ह सा १ लख ३१ हजार २५० पाउण्डय् म्यूगु खः ।