kmc bidya

संवेदनहीन व गैर जिम्मेवारतसें यानाः स्वनिगलय् लक डाउन अर्थहीन

नेवा: अनलाइन न्युज – निश्चल | २०७७ जेठ १, बिहिबार ०८:३०:२४

निश्चल

लक डाउन अर्थहीन यानाबिउगु दु 

मंगलवाः न्हिनय् कोरोना भाइरसं संक्रमितपिं छक्वलं हे ५७ म्ह पिहाँ वल धकाः बुखँ पिहाँ वयेवं सकसिया न्हकुसं तितिं स्वात । मनूतसें धाल थ्व ला मंगलवाः न्हिच्छिया ल्याः मखु, न्हिच्छिया ल्याः ला हानं गुलि जुइगु खः? विदेशय् २४ घौया दुने थुलि अप्वल, थ्वम्ह सित धकाः न्यनावयाच्वंगुलिं हे खइ, थन नं व हे मोडेलय् मनूतसें विचाः यात । धाल गथे अथे बहनी हे मेगु २६ म्हेसिगु लट नं पिहाँ वल । थुकिं संक्रमितपिनि ल्याः मंगलवाः बहनी तक २१७ म्ह थ्यन । पत्रकार व नर्सयात नं कल धाल । भीम रावलया पिसिओयात नं जूगु दु धाल । 

बिहिवाः सुथय् थ्यबलय् २४५ म्ह थ्यन । थ्व थुकिं भयावह स्थितिया संकेत यात । व सिकं नं स्वनिगलय् दुने हे न्याम्ह थ्यन, उकी नं मच्छगामय् च्वंम्ह महेन्द्रनगर वनाः लिहाँ वःम्ह धकाः धइगु बुखँ नं पिहाँ वल । निम्ह संक्रमितपिं पास कयाः दुहाँ वःपिं धइगु नं पिहाँ वल ।

झीसं न्हापा विदेशं दुहाँ वःपिंपाखें सतर्क जुइमाःगु अवस्था दु धकाः धयावया, उदयपुरय् खनेदयेधुंकाः स्वनिगलय् दुने पिनें वःपिंपाखें सतर्क जुइमाःगु धकाः धयावयाच्वना, तर आः स्वनिगलय् दुने हे खनेदयेधुंकाः उकथं सतर्क जुइगु सुयापाखें धइगु मन्त । उकिं सरकारी आदेश पालन यानाः लकडाउन दुने च्वंसां मन त्याकाच्वंपिं स्वनिगःवासीया दथुइ छगू आतंक न्यन । थुकिं चैत्र ११ निसें ५० तक च्वनाच्वनागु लक डाउन अर्थहीन यानाबिउगु दु । 

 

Categorized in बिचा: