छगू उखान टुक्का दु, ‘गनं हर्ष सा गनं विष्मात’ । थुगु टुक्का थौं असोज ३ गते स्वनिगलय् चरितार्थ जूगु दु ।

हर्षया रुपं नेकपा एमालें न्हापांगु संविधान दिवस धइगु ब्यानरलिसें तःधंगु ¥याली पिकाःगु दु । येँया रत्नपार्कय् च्वंगु शान्ति वाटिकां ¥याली न्ह्याकाः बसन्तपुरय् थ्यंकाः सभाय् परिणत याःगु खःसा सभायात एमाले नायः केपी शर्मा ओलीं सम्बोधन यानादीगु खः ।

अथेहे, विष्मातया रुपं त्रुटिपूर्ण संविधानविरुद्ध हाकूगु दिवस कथं विरोध प्रदर्शन, असोज ३ हाकूगु दिं धइगु ब्यानर ज्वनाः शान्ति वाटिकाय् हे मुनाः नेवाः प्रदेश संघीय गठबन्धनं विरोध जुलुस पिकाःगु खः ।

उगु जुलुस धरहरा, घण्टाघर इत्यादी थासय् परिक्रमा याःगु खः ।

अथेहे, संयुक्त लोकतान्त्रिक मधेसी मोर्चा व तराई मधेस लोकतान्त्रिक पार्टीं माइतीघर मण्डलाय् धर्ना ब्यूगु खः । उगु धर्नाय् हाकुगु लँ फिनाः, म्ह छम्हं हाकुगु रंग पानाःलिसें हिया रंग इलाः लँपुइ ग्वारा ग्वारा तुलाः ‘हत्यारा संविधान जिमित म्वाः’ धकाः प्रदर्शन याःगु खः ।

किपाः नेवाः अनलाइन न्युज