prabhu baink new

संविधानय दुमथ्यागु मत : सन्दर्भ संविधान दिवस

नेवा: अनलाइन न्युज | २०७७ आश्विन ६, मंगलबार १४:२९:४७

नेपालया न्हूगु संविधानया प्रारम्भिक मस्यौदाय वर्ल्ड नेवा अर्गनाइजेशन पाखें वंगु सुझाव


डा बाल गोपाल श्रेष्ठ

नेपालं पिने विश्व नेंक नेनाचोंपिं नेवातयगु संगठन वर्ल्ड नेवा अर्गनाइजेशनया नायोया नातां नेपालया न्हूगु संविधानया प्रारम्भिक मस्यौदाय संशोधनया लागिं सुझाव छोयागु जुल । नेपा छगू बहुजाति,  बहुभाषिक व बहुधार्मिक विविधतां जागु देश जूगुलिं संविधानय थिपिं विषेशतायात ख कथं सम्बोधन जुइमा धयागु जरुरी जूगुलिं वर्ल्ड नेवाः अर्गनाइजेशनया थुगु सुझाव छोयागु ख ।

वर्ल्ड नेवाः अर्गनाइजेशनं संविधानया प्रारम्भिक मस्यौदाय नेपालया जाति, भाषा,  नेपाल संवत, नागरिकता, मौलिक हक व कर्तव्य अन्तर्गत समानताया हक, छुवाछूत व भेदभावया विरुद्धय हक, सूचनाया हक, शोषणविरुद्धया हक, शिक्षासम्बन्धी हक, भाषा व संस्कृतिया हक नापं शासकीय स्वरुप व कार्यकारिणी अधिकार, संघीय व्यवस्थापिका, स्थानीय व्यवस्थापिका, भाषा आयोग व जातीय सभा (House of Nationalities) थें विषयय सुझाव वंगु ख ।

दुःखया खं वर्ल्ड नेवा अर्गनाइजेशनं नेपालया न्हूगु संविधानया प्रारम्भिक मस्यौदाय संशोधनयात छोयागु छु नं सुझावयात अंगिकार मयागु जक मखु  पूर्णरुपं वेवास्ता यागु खं थन अवगत यानाचोना । उबले छोयागु थो सुझावत नेपामि सकस्यां नितिं सरोकार व चासोया विषय जक मखु लागु जुयेमा धयागु मनसुवा सम्पूर्ण उपेक्षित आदिवासि जाति, जनजाति, थारू, मधेशी, दलित व मिसा, यौनिक अल्पसंख्यक, आदि सकस्यां ख । थो ऐतिहासिक दस्तावेजया महत्व आ नं उतिकं दनि । थन न्हेथनागु धारा, उपधारा व भाग सकतां विक्रम संवत २०७३ सालय नेपाल सरकारं पितब्युगु संविधानया प्रारम्भिक मस्यौदाय उल्लेख जुयाचों कथं ख । सुझावया पूर्ण पाठ थथे दु स्

फुक जातिया मातृभाषातयत नेपाली भाषाया नामं सम्बोधन यायेगु

६. राष्ट्रभाषा

नेपालय ल्हाइगु फुकं मातृभाषात नेपाया राष्ट्रभाषा जुइ । खस भाषायात जक नेपाली नामं सम्बोधन याना वैचोंगुयात आबोंलि नेपालय ल्हाइगु फुकं जातिया मातृभाषातयत नं नेपाली भाषाया हे नामं सम्बोधन याइ ।

टिप्पणीः

खस भाषायात जक नेपाली नामाकरण याना विशेषाधिकार बिया छगू जक सरकारी कामकाजया भाषाया दर्जा बीगु पक्षपातपूर्ण व्यवस्थां नेपालया आदिवासी जाति, जनजाति, मधेशी जनताया भाषात गुलिं लोप हे जुइ धुंकलसा गुलिं लोप जुइगु क्रमय थेंगु थौंया खायुगु यथार्थ ख । खस जातिं ल्हाइगु भाषायात जक नेपाली धाइगु आया स्थिति कायम जुयाचोन धासा अन्तत नेपालया गैरखसभाषी आदिवासी जाति, जनजाति, मधेशी समुदाय फुकंस्यां थपिंत गैरनेपाली धायेत बाध्यकारी स्थिति पिदनि । उकिं फुकं जातिया मातृभाषातयत नं नेपाली भाषाया नां बिगु व सकभनं छेलेगु हक सुनिश्चित यायेगु ।

(नेपालय  ल्हाइगु फुकं जातिया मातृभाषातयगु सूची छगू अनुसूचीइ सूचीकृत याना त कथं जुइ ।)

फुकं जातिया मातृभाषात नेपालया सरकारी कामकाजय छेलेगु समान अधिकार बीगु

७. सरकारी कामकाजया भाषा

९१) देवनागरी लिपिइ चोइगु खस भाषाया अतिरिक्त नेपालया मेमेगु मौलिक लिपिइ चोइगु व नेपालय ल्हाइगु फुकं जातिया मातृभाषात नेपालया सरकारी कामकाजय छेलेगु समान अधिकार दइ । नापं नेपालया मेमेगु मौलिक लिपिइ चोयेगु अधिकार नं सुनिश्चित याइ

९२) प्रदेशं थपिनिगु प्रदेश दुनेया जनतां ल्हाइगु फुकं राष्ट्रभाषायात प्रदेशया सरकारी कामकाजया भाषा कथं छेलेगु अधिकार सुनिश्चित यायेगु नापं खस भाषा नं छेले फइ ।

९३) साया थासय लोपोन्मुख गैंडा नेपाया राष्ट्रिय जनावर जुइ ।
नेपाल संवतयात राष्ट्रिय संवत कथं छेलाबुलाय हयेगु

९४) नेपाल देशया नामय दुगु नेपालया मौलिक व ऐतिहासिक नेपाल संवत राष्ट्रिय संवत जुइ । नेपाल संवतयात संविधान लागू जुइवं सरकारी ज्याखंय छेलेगु जुइ ।

टिप्पणीः

नेपाल देशया हे नामय ११३५ दं ताहाकगु इतिहास दुगु नेपाल संवत राष्ट्रिय संवत घोषणा याना नं भारतीय विक्रम संवतयात सरकारी ज्याखंय छेलाचोंगु नेपालया राष्ट्रियता व पहिचानया दृष्टिं अत्यन्त हानिकारक ख । राष्ट्रियरुपय नेपाल संवत व अन्तरराष्ट्रिय कारोबारय सरकारी स्तरय नेपाल संवत नापं इस्वी संवत छेलेगु ।

नागरिकताया सवालय काय म्ह्यायया विभेदया अंत यायेगु

भाग–२ नागरिकता
धारा ११

१) (क) सुं मनूया जन्म जुगु इलय वया मां या बौ नेपाली नागरिक खसा अज्याम्ह व्यक्ति,

(ख) सुं मनूया नेपालय जन्म जुगु इलय वया मां या बौ मध्ये छम्ह नेपाली नागरिक खसा नागरिकता प्राप्त याइगु इलय वया मां या बौ वा निम्हं नेपाली नागरिक खसा अज्याम्ह व्यक्ति,

(४) नेपाली नागरिक मांया पाखें  नेपालय जन्म जुया नेपालय हे बसोवास यानाचोंम्ह व बौया पहिचान मजूम्ह वा बौ विदेशी नागरिक जूम्ह व्यक्तिया मांया वंशजया आधारय नागरिकता बी ।

१३. अंगीकृत नागरिकतासम्बन्धी व्यवस्था

९१) थो संविधान प्रारम्भ जुयालिपा नेपाली नागरिक नापं इहिपा याइम्ह विदेशी मिजनं नेपालया नागरिकता काये चाहे जुलधासा नेपालया अंगीकृत नागरिकता काये फइ ।
९२) नेपाली नागरिक नापं इहिपा याइम्ह विदेशी मिसां नेपालया नागरिकता काये चाहे जुलधासा नेपालया अंगीकृत नागरिकता काये फइ ।
९३) विदेशी नागरिक नापं इहिपा जूम्ह नेपाली नागरिकपाखें जन्म जूम्ह व्यक्तिं वंशजया आधारय नेपालया नागरिकता काये फइ ।

छकया नेपाली सदां नेपाली हे जुइ

१९. गैरआवासीय नेपाली नागरिकता बी फइ
विदेशी मुलुकया नागरिकता कापिं नेपालीतयत छकया नेपाली सदां नेपाली हे जुइ
धयागु सिद्धान्तयात माने याना नेपाली नागरिकतां बंचित मयायेगु ।

भाग–३ मौलिक हक व कर्तव्य

२३. समानताया हक

९३) राज्यं नागरिकतय दथुइ धर्म, वर्ण, जात, जाति, लिङ्ग, यौनिक अभिमुखीकरण, शारीरिक अवस्था, अपाङ्गता, स्वास्थ्य स्थिति, वैवाहिक स्थिति, गर्भावस्था, आर्थिक अवस्था, उत्पत्ति, भाषा वा क्षेत्र, वैचारिक आस्था वा थथेहे मेमेगु छुं नं खंया आधारउ भेदभाव याइमखु । तर आर्थिक रुपं विपन्न, सामाजिक वा सांस्कृतिक दृष्टिं ल्युनेलापिं महिला, दलित, आदिवासी, जनजाति, ल्युनेलापिं खस, मधेशी, थारु, किसान, मजदुर, उत्पीडित वर्ग, मुस्लिम, पिछडा वर्ग, अल्पसंख्यक, सीमान्तीकृत, लोपोन्मुख समुदाय, लायम्ह, मचात, बुरापिं नागरिक, लैङ्गिक व यौनिक अल्पसंख्यक, अपाङ्गता दुपिं व्यक्ति, अशक्त वा असहाय व ल्युनेलागु लागाया नागरिकया संरक्षण, सशक्तीकरण वा विकासया लागि कानुन कथं विशेष व्यवस्था यायेत पनिगु कथं कायमखु ।

जातभातया आधारय छुवाछूत व विभेद याइगुपिंत कैद व जरिवाना
विभेदया हुनिं फया चोनेमागु अन्यायया क्षतिपूर्ति

२९। छुवाछूत व भेदभाव विरुद्धया हक
९६० जातभातया आधारय छुंनं कथंया छुवाछूत व विभेद यागु लुत धासा अथे याइम्ह व्यक्तियात ५ दं कैद व न्यागू लाख रूपैया तक जरिवाना याइ ।
९६० नेपालया उपेक्षित दलित जनतायात आताक जुयाचोंगु छुवाछूत व विभेदया हुनिं फया चोनेमागु अन्यायया क्षतिपूर्ति स्वरुप विशेष व्यवस्था यायेगु ।

थपिनिगु मातृभाषाय सूचनाया हक

२७। सूचनाया हक
प्रत्येक नागरिकयात थपिनिगु वा सार्वजनिक सरोकारया गुगुं नं विषयया सूचना थपिनिगु मातृभाषाय फोनेगु व प्राप्त यायेगु हक दइ ।

२९। शोषण विरुद्धया हक

९२० धर्म, भाषा, प्रथा, परम्परा, संस्कार, प्रचलन वा मेमेगु छुं नं कथं सुयातं छुं नं कथंया शोषण याये दइ मखु ।
थपिनिगु मातृभाषाय आधारभूत शिक्षाय पहुचया हक
३१। शिक्षासम्बन्धी हक
९१० प्रत्येक नागरिकयात थपिनिगु मातृभाषाय आधारभूत शिक्षाय पहुचया हक दइ ।
९२० प्रत्येक नागरिकयात आधारभूत तहया शिक्षा थपिनिगु मातृभाषाय अनिवार्य व निःशुल्क शिक्षा व माध्यमिक तहतक निःशुल्क शिक्षा कायेगु हक दइ ।


९५० नेपालय  बसोवास यायेगु प्रत्येक नेपाली समुदाययात थपिनिगु मातृभाषाय माध्यमिक तह व उच्च शिक्षा प्राप्त यायेत व विद्यालय व शैक्षिक संस्था खोल्ने व सञ्चालन यायेगु हक दइ ।

३२। भाषा व संस्कृतिया हक
९१० प्रत्येक व्यक्ति व समुदाययात थपिनिगु भाषा सरकारी कार्यालय् व न्यायालय् एवं शिक्षालय सवै क्षेत्रय निर्वाध छेलेगु हक दइ ।

३८। महिलाया हक
९४० राज्य संयन्त्रया फुकं निकायलय मिसापिंत जनसंख्याया आधारय समानुपातिक समावेशी सिद्धान्त कथं सहभागिताया हक दइ ।

४०। दलितया हक
९१० दलित समुदायया व्यक्तियात निजामती सेवा, सेना, प्रहरी लगायतया राज्यया फुकं निकाय व क्षेत्रय जनसंख्या कथं समानुपातिक समावेशी सिद्धान्त कथं रोजगारी प्राप्त यायेगु हक दइ । सार्वजनिक सेवालगायतया रोजगारया मेमेगु क्षेत्रय दलित समुदायया सशक्तीकरण, प्रतिनिधित्व व सहभागिताया लागि समानुपातिकरुपय विशेष व्यवस्था याइ ।
९७० दलित समुदायया लागि थो धारा ब्युगु सुविधा दलित महिला, पुरुष व फुकं क्षेत्रय बसोवास यायेगु दलिततयसं विशेष प्राथमिकताया रुपय प्राप्त यायेगु व्यवस्था याइ ।

४१। ज्येष्ठ नागरिकया हक
ज्येष्ठ नागरिकयात वृद्धभत्ता व स्वास्थ्य सेवा लगायत राज्यपाखें विशेष संरक्षण व सामाजिक सुरक्षाया हक दइ ।

४२। सामाजिक न्यायया हक
९१० सामाजिक रुपं ल्युनेलापिं मिसा, दलित, मूलवासी, आदिवासी, जनजाति, ल्युनेलापिं खस, मधेशी, थारु, अल्पसंख्यक, सीमान्तकृत, मुस्लिम, पिछडावर्ग, लैङ्गिक व यौनिक अल्पसंख्यक, युवा, किसान, मजदुर, उत्पीडित वा पिछडिएया क्षेत्रका नागरिकयात समानुपातिक समावेशी सिद्धान्त कथं राज्यया संरचना व सार्वजनिक सेवाय हक दइ ।
दलित, मूलवासी, आदिवासी, जनजातिया सूची दयेका अनुसूचीइ स्पष्ट यायेगु ।

भाग–४ राज्यया निर्देशक सिद्धान्त, नीति व दायित्व
५४। निर्देशक सिद्धान्तत
९१० देशया सार्वभौमसत्ता, स्वाधीनता व अखण्डतायात सर्वोपरि राख्दै नागरिकया जीउ, धन, समानता व स्वतन्त्रताया संरक्षण याना कानुनया शासन, मौलिक हक व मानव अधिकारया मूल्य व मान्यता, लैंगिक समानता, समानुपातिक समावेशीकरण, सहभागिता व सामाजिक न्यायया माध्यमं राष्ट्रिय जीवनया फुकं क्षेत्रय न्यायपूर्ण व्यवस्था कायम यासें लोक कल्याणकारी राज्यव्यवस्थाया स्थापना यायेगु व परस्पर सहयोगया आधारित संघीयता कथं संघीय इकाइतय दथुइया सम्बन्ध न्ह्याका जातीय स्वायत्तता व विकेन्द्रीकरण कथं शासन व्यवस्थाया समानुपातिक सिद्धान्तयात आत्मसात यासें लोकतान्त्रिक अधिकारया उपभोग याना कायेगु अवस्था सुनिश्चित यायेत संघीय लोकतान्त्रिक गणतान्त्रात्मक व्यवस्था स्थापना यायेगु राज्यया राजनीतिक उद्देश्य जुइ ।

९२० धर्म, भाषा, संस्कृति, संस्कार, प्रथा, परम्परा, प्रचलन वा मेमेगु छुं कथं जुइगु फुकं कथंया विभेद, शोषण व अन्यायया अन्त्य याना सभ्य व समतामूलक समाजया निर्माण यायेगु एवं राष्ट्रिय गौरव, लोकतन्त्र, जनपक्षीयता, श्रमया सम्मान, उद्यमशीलता, अनुशासन, मर्यादा व सहिष्णुतामा आधारित सामाजिक सांस्कृतिक मूल्यहरूया विकास यायेगु व सांस्कृतिक विविधताया सम्मान यासें साम्प्रदायिक सद्भाव, ऐक्यबद्धता व सामञ्जस्य कायम याना राष्ट्रिय एकता सुदृढ यायेगु राज्यया सामाजिक सांस्कृतिक उद्देश्य जुइ ।

भाग ५। राज्यया संरचना व राज्य शक्तिया बोथला
संघ, प्रदेश व स्थानीय तह याना सोंगू तह जक
प्रदेशया सीमांकन नामांकन अन्तरिम संविधानया धारा १३८ ले निर्देश याथें जातीय स्वायतताया सिद्धान्त कथं
५६। राज्यया संरचना
९१० संघीय लोकतान्त्रिक गणतन्त्र नेपालया मूल संरचना संघ, प्रदेश व स्थानीय तह याना सोंगू तह जकया दइ ।
९२० नेपालया राज्यशक्तिया प्रयोग संघ, प्रदेश व स्थानीय तहले यस संविधान कथं याइ
९३० पहिचानया जातीय व समुदाय, भाषिक, सांस्कृतिक, भौगोलिक व क्षेत्रगत निरन्तरता एवं ऐतिहासिक निरन्तरता व सामार्थ्यया आर्थिक अन्तरसम्वन्ध व सामर्थ्यता, पूर्वाधार विकासया अवस्था व सम्भावना, प्राकृतिक साधन व स्रोतया उपलव्धता व प्रशासनिक सुगमता समेतया आधारय नेपालय १४ प्रदेश दइ ।
प्रदेशया सीमांकन नामांकन अन्तरिम संविधानया धारा १३८ सं निर्देश याथें जातीय स्वायतताया सिद्धान्त कथं थो हे संविधान सभां घोषणा याइ ।
९४० स्थानीय तह अन्तर्गत गाउंपालिका व नगरपालिका दइ । गाउंपालिका व नगरपालिकाय रहने वडाया संख्या जनसंख्याया आधारय निर्धारित जुइ ।
९५० नेपाल  दुनेया फुकं जातीय भाषातयत समान अधिकार प्रत्याभूति जुइगु सिद्धान्त कथं विभिन्न जातजाति व समुदायया भाषा व संस्कृतिया विकास, संरक्षण व संवर्धन यायेत माकथं विशेष संरचनाया निर्माण याइ ।
९६० थो संविधान लागू जुगु दिनं लिसें ७५ जिल्लाया पुलांगु संरचना खारेज जुइ ।

भाग–५ राज्यया संरचना व राज्य शक्तिया बोथले ज्या
६२। अवशिष्ट अधिकार
संघ, प्रदेश व स्थानीय तहया अधिकारया सूची वा संघ व प्रदेशया साझा सूचीइ उल्लेख मजूगु छुं नं विषयलय व थो संविधानय न्हेथना मतगु विषयसं संघ व प्रदेश दथुइ थथवय समझदारीया आधार निर्णयत कायेगु जुइ ।

कार्यकारि राष्ट्रपतिया प्रत्यक्ष निर्वाचन
भाग–६ राष्ट्रपति व उपराष्ट्रपति
६१। राष्ट्रपतिया निर्वाचन
राष्ट्रपतिया प्रत्यक्ष निर्वाचन जुइ । १८ दं थेंपिं बालिग नेपाली जनताया मतया ५१ प्रतिशत वा अपो मत काम्ह मनू नेपालया कार्यकारी राष्ट्रपति चुने जुइ ।
४० न्हापांगु चुनावय सुं नं उम्मेदवारं ५१ प्रतिशत मत प्राप्त याये मफत धासा फुकं सोया आपा मत प्राप्त यापिं निम्ह उम्मेदवारतय दथुइ निगूगु चरणया मतदान जुइ ।

भाग–७ संघीय कार्यपालिका
७७। शासकीय स्वरुप
देशया शासकीय स्वरुप बहुदलीय प्रतिस्पर्धात्मक संघीय लोकतान्त्रिक गणतन्त्रात्मक राष्ट्रपति कार्यकारी प्रमुख जुइगु शासन प्रणाली जुइ ।
७८। कार्यकारिणी अधिकार
९१० नेपालया कार्यकारिणी अधिकार थो संविधान व कानुन कथं राष्ट्रपतियाके निहित जुइ ।
९२० थो संविधान व कानुनया अधीनय चोना नेपालया शासन व्यवस्थाया सामान्य निर्देशन, नियन्त्रण व सञ्चालन यायेगु अभिभारा राष्ट्रपतियात दइ ।
९३० नेपालया संघीय कार्यकारिणी सम्बन्धी फुकं ज्या नेपाल सरकारया नामय जुइ ।
९४० उपधारा ९३० कथं नेपाल सरकारया नाममा जुइगु निर्णय वा आदेश व तत्सम्बन्धी अधिकारपत्रया प्रमाणीकरण संविधान कथं जुइ ।

८१। मन्त्री, राज्यमन्त्री व सहायक मन्त्री
राष्ट्रपतिनं थपिंत माकथं उपयुक्त व योग्य मनूयात मन्त्री, राज्यमन्त्री व सहायक मन्त्री नियुक्त याये फइ । प्रतिनिधिसभा वा जातीय सभाया सुं नं बहालवाला सदस्यतयत सदस्य पदं राजिनामा मब्युतले मन्त्री, राज्यमन्त्री वा सहायक मन्त्री पदय नियुक्त याये दइमखु ।

८२। मन्त्री, राज्य मन्त्री व सहायक मन्त्रीया पारिश्रमिक
मन्त्री, राज्यमन्त्री व सहायक मन्त्रीया पारिश्रमिक व मेमेगु सुविधा ऐन कथं जुइ । अज्यागु ऐनं निर्धारण मयातले नेपाल सरकारं तोके याथें जुइ ।

भाग–८ संघीय व्यवस्थापिका
८३। प्रतिनिधिसभाया गठन
९१० प्रतिनिधिसभाय कोय उल्लेख जुकथं निस व न्याम्ह ९२०५० सदस्य दइ
 ९ख० ९क० सम्पूर्ण देशयात छगू निर्वाचन क्षेत्र माने याना राजनीतिक दलयात मत बीगु समानुपातिक निर्वाचन प्रणाली कथं प्रतिनिधि सभाया निर्वाचित जुइ ।
९२० प्रतिनिधि सभाया निर्वाचनया लागि राजनीतिक दलं उम्मेदवारी बीबले जनसंख्या, भौगोलिक व प्रादेशिक सन्तुलनया आधारय महिला, दलित, आदिवासी जनजाति, ल्युनेलापिं खस, मधेसी, थारु, मुस्लिम, ल्युनेलागु क्षेत्र, अल्पसंख्यक समुदाय समेतपाखें जनसंख्याया आधारय समानुपातिक प्रतिनिधित्वया अपरिवर्तनीय प्राथमिकतासहितया बन्द सूचीया आधारय प्रतिनिधित्व याकिगु व्यवस्था जुइ ।

प्रतिनिधि सभाया फुकं सदस्य संख्याया कम्ती नं छगू तिहाइ निर्वाचित सदस्य मिसातयपाखें सुनिश्चित जुइगुयाना व्यवस्था याइ ।

दलित जनसंख्या मुताविक समानुपितक प्रतिनिधित्वया विशेष व्यवस्था याइ ।
९४० उपधारा ९१० कथं जुइगु प्रतिनिधिसभा सदस्यया निर्वाचन कानुन कथं गोप्य मतदानं जुइ ।
९५० झिंच्यादं उमेर पूरा जूपिं प्रत्येक नेपाली नागरिकयात कानुन कथं गुगुं छगू निर्वाचन क्षेत्रय मतदान यायेगु अधिकार दइ ।
९६० प्रतिनिधिसभाया सदस्यया लागि जुइगु निर्वाचनय मतदान यायेत अधिकार दुपिं धारा ९१ कथं योग्यता दुपिं नेपाली नागरिक कानुनया अधीनय चोना गुगुं नं निर्वाचन क्षेत्रं उम्मेदवार जुइ फइ ।
९७० प्रतिनिधिसभाया कार्यकाल खुला सोयां आपा अवधि ल्यंदनिबले हे सुं सदस्यया थाय पोन धासा उगु थासय गुगु पार्टीपाखें निर्वाचित जुया वैचोंगु ख उगुहे पार्टीया अपरिवर्तनीय प्राथमिकता सहितया बन्द सूचीइ नां दुम्हेसित हया पूर्ति याइ ।

तधं चिधं फुकं जातिया समान प्रतिनिधित्व जुइगु प्रतिनिधिसभाया सरह अधिकार सम्पन्न  छगू जातीय सभा ९ज्यगकभ या ल्बतष्यलबष्तिष्भक० या गठन जुइ

धारा ९० य राष्ट्रिय सभाया थासय अधिकार सम्पन्न जातीय सभा ९ज्यगकभ या ल्बतष्यलबष्तिष्भक० दयेकेगु
९०। जातीय सभा ९ज्यगकभ या ल्बतष्यलबष्तिष्भक० या गठन व सदस्यहरुया पदावधि
९०। नेपा दुनेया तधं चिधं फुकं जाति, जनजाति, थारु, मधेशी पाखें समान प्रतिनिधित्वया सिद्दान्त कथं छगू जातीय सभा ९ज्यगकभ या ल्बतष्यलबष्तिष्भक० गठन यायेगु जुइ । तधं चिधं प्रत्येक जाति,  जनजाति, थारु, मधेशी सकस्यां थपिनिगु जातिं गोप्य मतदान याना लेया निम्ह निम्ह व्यक्तित थुगु जातीय सभाया सदस्य जुइ । जातीय सभा ९ज्यगकभ या ल्बतष्यलबष्तिष्भक० यात राष्ट्रिय महत्वया फुकं विषयसं विधेयकत पारित यायेगु वा मयायेगु अधिकार प्रतिनिधिसभायात ति हे दइ । भाषा व जाति सम्वन्धी गुगुं नं विधेयकत पारित यायेगु वा मयायेगु विषेशाधिकार जातीय सभा ९ज्यगकभ या ल्बतष्यलबष्तिष्भक० यात दइ ।
९१० जातीय सभा ९ज्यगकभ या ल्बतष्यलबष्तिष्भक० या सदस्यहरुया पदावधि खुदंया जुइ ।
९२० जातीय सभा ९ज्यगकभ या ल्बतष्यलबष्तिष्भक० या सदस्यया निर्वाचन सम्बन्धी व्यवस्था तधं चिधं फुकं जाति ९ल्बतष्यलबष्तिथ० समान प्रतिनिधित्वया सिद्दान्तका आधारय जुइ ।

टिप्पणीः
न्हापाथें हे मनोनीत वा प्रत्येक प्रान्तं चुनेजुया वपिनिगु पाखें गठन जुइगु राष्ट्रिय सभाया छुं नं औचित्य मदु धायधासां व छगू केवल सांसदतय तलव व भत्ता नइगु अधिकारविहिन गफ यायेगु थाय थें जक जुल । नेपाल थें बहुजातीय बहुभाषीय देशय तधं चिधं फुकं जाति, जनजाति, थारु, मधेशी सकसितं समान व बराबर हैसियतया ख धयागु बोध याकिगु कथं फुकंपाखें बराबर संख्याय प्रतिनिधित्व जुइगु छगू अधिकार सम्पन्न जातीय सभा ९ज्यगकभ या ल्बतष्यलबष्तिष्भक० जक गहन भूमिका निर्वाह याये फइ ।

भाग–१७ स्थानीय व्यवस्थापिका
२२१। गाउंसभाया गठन
९१० प्रत्येक गाउंसभाय गाउं कार्यपालिका प्रमुख व उपप्रमुख, गाउंसभाया हरेक वडाय न्यामहया ल्याखं कानुन कथं निर्वाचित पीन्याम्ह सदस्य दइ ।
९२० उपधारा ९१० कथं गठन जुइगु गाउंसभाय प्रत्येक वडां कम्ती नं निम्ह मिसापिंसं प्रतिनिधित्व याइ ।
९३० प्रत्येक वडाय प्रत्यक्ष निर्वाचित छम्ह वडा अध्यक्ष व पेम्ह वडा सदस्य दइ । । प्रत्येक वडाय प्रत्यक्ष निर्वाचित अध्यक्ष व पेम्ह वडा सदस्य दुगु वडा समिति गठन जुइ ।

स्थायी प्रकृतिया संवैधानिक अंगया रूपय भाषा आयोगया स्थापना यायेगु
भाग–३४ विविध
२८१। भाषा आयोगया पलिस्था
१० थो संविधान प्रारम्भ जुगु मितिया लच्छिया दुने नेपाल सरकारं नेपालय दुने ल्हाइगु फुकं भाषाभाषीतयगु प्रतिनिधित्व जुइगु याना संवैधानिक अधिकारसहितया छगू भाषा आयोगया पलिस्था याइ ।
२० भाषा आयोगय अध्यक्षया अतिरिक्त आवश्यक संख्याय थीथी जातिया बिद्वानतय प्रतिनिधि जुइ कथं सदस्यत तया छगू कार्यसमिति दयेकेगु ।
३० भाषा आयोगया ज्या, कर्तव्य व अधिकार कोय चोया तकथं जुइ स्
९क० सरकारी कामकाजया भाषाका रुपय छेलेत छु गज्यागु आधारत मागु ख अकिया निर्धारण याना नेपाल सरकारयात सिफारिस यायेगु,
ख० भाषातयत समान अधिकार अले संरक्षण, संवर्धन व विकासया लागि अवलम्बन यायेमागु उपायत नेपाल सरकारयात सिफारिस यायेगु,
ग० मातृभाषातयगु विकासया स्तर मापन याना शिक्षाय छेलेगु सम्भाव्यताया बारेय नेपाल सरकारयात सुझाव पेस यायेगु,
घ० भाषातयगु अध्ययन, अनुसन्धान व अनुगमन यायेगु ।
४० भाषा आयोग स्थायी प्रकृतिया संवैधानिक अंगया रूपय चोनी ।
५० नेपाल सरकारं प्रादेशिक सरकारनापं समन्वय याना प्रदेशय आयोगया शाखात निसोना यंकेगु ।
६० भाषा आयोगया गठन थो संविधान लागू जुइवं याइ ।
७० मेमेगु ज्या, कर्तव्य व अधिकार व कार्यविधि थो संविधान लागू जुइवं निर्धारण याइ ।

भाग–३५ संक्रमणकालीन व्यवस्था
२९२। स्थानीय निकायसम्बन्धी व्यवस्था
९१० थो संविधान प्रारम्भ जुगु इलय कायम दुगु स्थानीय निकायत थो संविधान कथं स्थानीय तहया संख्या व क्षेत्र निर्धारण मजुतले कायम जुइ ।
९२० उपधारा ९१० कथं कायम दुगु स्थानीय निकायया निर्वाचन प्रादेशिक सदनया निर्वाचन कोचाया खुलाया दुने सम्पन्न याइ ।

भाग–३७ संक्षिप्त नाम,  प्रारम्भ व खारेजी
२९६। संक्षिप्त नाम व प्रारम्भ
९१० थो संविधानयात “नेपालया संविधान नेपाल सम्वत ११३५ धाइ
९२० थो संविधान नेपाल देसीय सम्वत् ११३५ ‘‘ महिनाया ‘ दिनलिसें अर्थात इस्वीय संवत् २०१५ ‘‘ महिनाया ‘ तारिखलिसें प्रारम्भ जुइ ।










Categorized in बिचा: