swastha 3

संखुवासभा हत्याकाण्डया हत्यारा सार्वजनिक

नेवा: अनलाइन न्युज – ललेन्द्र शाक्य | २०७८ भाद्र २७, आइतबार १४:१७:४५

संखुवासभा सामूहिक हत्याकाण्डया हत्यारा लोकबहादुर कार्कीयात प्रहरीं सार्वजनिक याःगु दु । संखुवासभाय च्वंगु चैनपुर इलाका प्रहरी ज्याकुथिं हत्यारा कार्कीयात सार्वजनिक याःगु खः ।

२६ दँया कार्कीयात प्रहरीं शनिवाः नियन्त्रणय् काःगु खः ।

लोकबहादुर कार्कीं संखुवासभाया मादी गाउँपालिका १ खोलागाउँया तेजबहादुर कार्कीलिसें वया छेँजःया खुम्हेसिगु विभत्स हत्या याःगु प्रहरीया धापू दु । प्रहरीया कथं लोकबहादुरं हत्या यानागु स्वीकार याःगु दु ।

वंगु सोमवाः ९३ दँया बौद्धमान कार्कीया कलाः ८४ दँया पार्वती कार्की, ५२ दँया तेजबहादुर कार्की, भौ ५२ दँया कमला कार्की, तेजबहादुरया भौ ३२ दँया रंजना कार्की, ११ दँया छय् दीपेन कार्की व ७ दँया गोमा कार्कीया हत्या जूगु खः ।

Categorized in दुर्घटना-अपराध