Header Nepal rastra bank Adv

श्रीलंका टाट पल्टेजुल : प्रधानमन्त्री रणिल विक्रमासिंघे

नेवा: अनलाइन न्युज – ललेन्द्र शाक्य | २०७९ आषाढ ९, बिहिबार १६:५२:१३

छुं इलय् दक्षिण एसियाया हे समृद्ध मुलुक श्रीलंका थुगु इलय् टाट पल्टेजूगु दु । श्रीलंकाया प्रधानमन्त्री रणिल विक्रमासिंघें मुलुकया अर्थतन्त्र टाट पल्टेजूगु धाःगु दु । प्रधानमन्त्री विक्रमासिंघें थौं बिहिवाः संसदय् न्वःवासें अर्थतन्त्र टाट पल्टेजूगु व इन्धन तकं आयात यायेमफूगु अवस्था वःगु स्पष्ट याःगु खः ।

प्रधानमन्त्री विक्रमासिंघें धाःगु दु, ‘झीगु अर्थतन्त्र पूर्ण रुपं टाट पल्टेजूगु दु ।’

विक्रमासिंघें अर्थतन्त्रयात सही मार्गय् हयेत विदेशया आर्थिक संघसंस्थाया ग्वाहालिया नितिं कुतः यानागु जानकारी नं ब्यूगु दु ।

विक्रमासिंघे आः नकतिनि जक श्रीलंकाया प्रधानमन्त्री जूम्ह खः । व विगतय् नं प्रधानमन्त्री जुइधुंकूगु दु । प्रधानमन्त्री जुइधुंकाः थीथी कथंया कुतः यानाः अर्थतन्त्र सुधार यायेगु लँपुइ पलाः न्ह्याकाच्वंगु दु ।

तर, अर्थतन्त्र सुधार जुइगु हालत धाःसा खनेमदु । अन इन्धन तकं न्यायेत मफूगु हालतय् सरकार थ्यंगु दु । खाद्यान्न संकट अप्वःगु दु ।

Categorized in अन्तर्राष्ट्रिय