2565 buddha Jayanti ADV

शताब्दी पुरूष सत्यमोहन जोशीया स्वास्थ्यय् सुधार

नेवा: अनलाइन न्युज – विजयरत्न | २०७८ जेठ २८, शुक्रबार ११:३९:५२

वाङमय शताब्दी पुरूष भाषारत्न बरिष्ठ संस्कृतिविद्  डा. सत्यमोहन जोशी नुगःचु (मुटु)इ समस्या वसेलिं बुधवाः  छाती स्यानाः हिइसे च्वसेलिं वयकःयात यलया किस्ट मेडिकल कलेजय् भर्ना याःगु खः।

बिहीवाःनिसें धाःसा भाजु जोशीया स्वास्थ्यय् क्रमिक सुधार वगु दु धकाः उगु मेडिकल कलेजया प्रिन्सिपल प्रा.डा. बालमानसिंह कार्कीं जानकारी बियादिल। वयकःयात वासः याःगु बाघौ लिपा हे वय्कःयात आराम जूगु खँ नं डा. कार्कीं धयादिल ।

भाजु जोशीया स्वास्थ्यस सुधार जूगु खँ वय्कःया छेजःया दुजः देवकी श्रेष्ठं पुष्टी यानादिल।

अस्पतालया निर्देशक प्रा.डा. सुरज बज्राचार्यया कथं बुधवाः हे वय्कलं छेँय् लिहाँवनेगु इच्छा क्यनादीगु खःसां  वय्कःया विशेष उपचार जुयाच्वंगुलिं पूवंक आराम जुलकि जक छेँय् लितछ्वइगु खँ अस्पताल सुत्रं जानकारी बिउगु दु ।

Categorized in नेवाः