zero media family planning adv

शताब्दी पुरुष जोशीया नामय् सरकारं स्कूल पलिस्था याइगु

नेवा: अनलाइन न्युज – ललेन्द्र शाक्य | २०७७ चैत्र १८, बुधबार १०:३८:१८

सरकारं वांगमय शताब्दी पुरुष डा. सत्यमोहन जोशीया नामं स्कूल पलिस्था याइगु जूगु दु ।

मंगलवाः शिक्षामन्त्री कृष्णगोपाल श्रेष्ठं यलया मंगलबजारय् च्वंगु जोशी निवास थ्यंकाः थुज्वःगु खबर ब्यूगु खः ।

सत्यमोहन जोशीयात नापलासें शिक्षामन्त्री श्रेष्ठं थःत राष्ट्रपति विद्यादेवी भण्डारीं नापलायेत छ्वयाहःगु व स्कूल चायेकेगु विषयस अनुमति व सरसल्लाह राय कायेत छ्वयाहःगु शिक्षामन्त्री श्रेष्ठं धाःगु दु ।

शताब्दी पुरुष जोशीलिसे खँ ल्हाःसें शिक्षामन्त्री श्रेष्ठं राष्ट्रपति स्वयं थः हे वया नापलायेत राष्ट्रपतिया समस्या दु धकाः धाःगु दुसा नापलायेगु मं दयेवं फुत्त पिहाँ वयेमज्यू । उकिं यथार्थ अवस्था, स्वास्थ्य लिसें स्कूलया विषयस जानकारी कायेत थःत छ्वयाहःगु खः धकाः धासें मन्त्री श्रेष्ठं राष्ट्रपतिं अबु सरहया मनू धकाः श्रद्धा व सम्मान कथं स्वयादी ।

श्रेष्ठया कथ. जोशीया नामं पलिस्था जुइगु स्कूलया गुणस्तर दरबार हाइस्कूलयाथें जुइ । तर, गन पलिस्था यायेगु उकिया विषयस जोशीपाखें हे अनुमति काये चाहेजूगु धाःगु दु । जोशीया अनुमति कथं सरकारं नेपाःया न्ह्याग्गु नं थासय् स्कूल पलिस्था यायेफइगु धाःगु दु ।

मन्त्री श्रेष्ठं धाःगु दु, जोशीया हे ल्हाःतं शिलान्यास यायेदःसा अझ नं बांलाइगु खः ।

(अन्नपूर्ण पोष्ट न्हिपौ पाखें)

Categorized in राष्ट्रिय