Mohanai 2078 KTM

शताब्दी पुरुष जोशीपाखें गुह्येश्वरीराज मानन्धरया पुलांगु खुपु दाफा म्ये पितब्वज्या जुइगु

नेवा: अनलाइन न्युज – ललेन्द्र शाक्य | २०७८ आश्विन १५, शुक्रबार ०८:०१:१०

वाङ्मय शताब्दी पुरुषलिसें बरिष्ठ संस्कृतिविद् भाषारत्न डा. सत्यमोहन जोशीया ल्हाःतं गुह्येश्वरीराज मानन्धरं हालादीगु पुलांगु खुपु दाफा म्ये पितब्वज्या जुइगु जूगु दु ।

ने.सं. ११४१ यँलागा एकादसी (असोज १६ गते) शनिवाः येँया भृकुटीमण्डपय् च्वंगु नेपाल टुरिजम बोर्डया हलय् सुथसिया ८ः४५ ता इलय् गुह्येश्वरीराज मानन्धरं हालादीगु पुलांगु खुपु दाफा म्ये पितब्वज्या जुइगु ज्याझ्वः तयातःगु दु ।

उगु पुलांगु दाफा म्ये पितब्वज्या ज्याझ्वः दाफा म्ये हालामि गुह्येश्वरीराज मानन्धरया न्याम्ह म्ह्याय् रेणु, अम्बिका, शिलु, निलु व सलिनापिन्सं ग्वसाः ग्वयादीगु खः ।

ज्याझ्वःया ग्वसाः ग्वयादीपिं वय्कःपिं न्याम्ह म्ह्याय् पिन्सं ज्याझ्वलय् सहभागिताया नितिं सकलसित इनाप यानादीगु दु ।

Categorized in कला