newayatataad 2

शंखमुलय् निगः मोटरसायकल ल्वानाः छम्ह सित

नेवा: अनलाइन न्युज – ललेन्द्र शाक्य | २०७७ मङ्सिर १४, आइतबार १२:३९:४६

येँ महानगरपालिका वडा ल्याः ३१ शंखमुलय् वंगु बहनी निगः मोटरसायकल ल्वानाः छम्ह मनू सीगु दु । मेम्ह छम्ह घाःपाः जूगु दु ।

शनिवाः बहनी थ्यंमथ्यं ७ ता ईपाखे शंखमुलपाखें दोभान तां वनाच्वंगु बा३६प ६५३१ ल्याःया मोटरसाइकल व अःखः दिशां वयाच्वंगु प्रदेश ३ ०२००६प८८०० ल्याःया मोटरसाइकल थःथवय् ल्वाःगु खः ।

दुर्घटनाय् घाःपाः जूम्ह ८८०० ल्याःया मोटरसाइकल चालक सिन्धुपाल्चोकया सुनकोशी गाउँपालिका ७ या २२ दँया सुदीप तिमल्सिनाया ट्रमा सेन्टरय् वासः यायेगु झ्वलय् सीगु महानगरीय ट्राफिक प्रहरीं जानकारी ब्यूगु दु ।

मेम्ह मोटरसाइकल चालक भारतीय नागरिक ३० दँया सानु खान घाःपाः जूगु दु । वया ट्रमा सेन्टर महांकालय् वासः जुयाच्वंगु दु ।

Categorized in दुर्घटना-अपराध