ad prabhu

शंखधर साख्वाः व पद्मरत्न तुलाधरया झ्वाता उलेज्या जुल

नेवा: अनलाइन न्युज – Rakesh Maharjan | २०७७ मङ्सिर ६, शनिबार ०९:२०:४५

येँ – नेपाल संवत्या प्रवर्तक एवं राष्ट्रिय विभूति शंखधर साख्वाः लिसें नेपाल संवत् आन्दोलनया प्रणेता मानवाधिकारवादी दिवंगत पद्मरत्न तुलाधरया पूर्णकदया झ्वाता उलेज्या जूगु दु ।

येँ रत्नपार्कया शंखधर पार्कय् निगुलिं झ्वाताया थौं शनिवाः सुथय् उलेज्या जुल ।

सहरी विकासमन्त्री कृष्णगोपाल श्रेष्ठया मू पाहांसुइ मन्त्री श्रेष्ठं पद्मरत्न तुलाधरया झ्वाता उलेज्या यानादीगु खःसा येँ मनपा मेयर विद्यासुन्दर शाक्यं स्वांमाः क्वखायेकूगु खः । अथे हे, मेयर शाक्यं शंखधर साख्वाःया झ्वाता उलेज्या यानादीगु खःसा उकी मन्त्री श्रेष्ठं स्वांमा क्वखायेकादीगु खः ।

झ्वाता उलेज्या ज्याझ्वलय् पाहांपिं मन्त्री श्रेष्ठ, येँया मेयर शाक्यलिसें उपमेयर हरिप्रभा खड्गी श्रेष्ठ, सहरी विकास राज्यमन्त्री रामवीर मानन्धर, पद्मरत्न तुलाधरया जहान, म्ह्याय्, नेपाल संवत् न्हूदँ राष्ट्रिय समारोह समिति ११४१ या नायः रमेश महर्जन, प्रतिनिधि सभा सांसद रामेश्वर फुयाँलपिनि उपस्थिति दुगु खः ।

 

 

 

Categorized in नेवाः