nepal investment baink

वीर किपूमित (चिनाखँ)

रीदेन महर्जन

कीपू–१, बाघभैरव

खः जिपिं वहे वीर किपूमित खः
खः जिपिं वहे वीर किपूमित खः ।।

गोर्खाली लिसें १२ दँ तक ल्वाःपिं
खुला तक जिमि पूर्खातय्सं
छु नं मनसे लः जक त्वनाः ल्वानाः वःपिं
खः जिपिं वहे वीर किपूमित खः ।।

झी महालानी कीर्ति राज्य लक्ष्मी
मिजं जुयाः वीरता क्यंगु थाय्
खः जिपिं वहे वीर किपूमित खः ।।

खःगु पक्षय् जाइपिं
मखूगु खँय् सुयां न्ह्यःने नं छ्यं क्वमछुइकीपिं
खः जिपिं वहे वीर किपूमित खः ।।

थःगु पूर्खातय्गुसुनौलो इतिहासया
स्वाभिमानय् दनीपिं जिपिं
खः जिपिं वहे वीर किपूमित खः ।।

नेपाःया जनआन्दोलनय्
मूख्य भूमिका म्हिता वःपिं
न्ह्याबले खःगु पलाखय्
ह्यूपाः चाहे जुइपिं
खः जिपिं वहे वीर किपूमित खः ।।

सकल नेवाःतय्त जूगु
अन्याय, अत्याचारया
विरोधय् ल्वाइपिं जिमि पूर्खापिं खः .
खः जिपिं वहे वीर किपूमित खः ।।