नेवा: अनलाइन न्युज – ललेन्द्र शाक्य | २०७७ जेठ २४, शनिबार १५:२४:४६

विश्व स्वास्थ्य संगठन (डब्ल्यूएचओ) नं सार्वजनिक थासय् यात्रा यायेबलय् अनिवार्य रुपं मास्क तयेत आग्रह याःगु दु । डब्ल्यूएचओ नं थ्वसिबें न्ह्यः सार्वजनिक थासय् मास्क तये जरुरी मजूगु ठहर याःगु खः । कोरोनाया संक्रमण पनेगु नितिं सार्वजनिक थासय् वनेबलय् अनिवार्य रुपं मास्क तयेत डब्ल्यूएचओं मास्कया सम्बन्धय् थःगु सुझाब परिवर्तन याःगु दु 

।

कोरोना संक्रमित मनूया ‘ओसिला छिटा’तपाखें मास्कं बचेयायेफूगु  डब्ल्यूएचओं सुझाब ब्यूगु दु ।

हलिंया छुं छुं देसं सार्वजनिक थासय् मास्क अनिवार्य रुपं तयेमाःगु नियम तकं लागू याःगु दु । सर्वसाधारणयात मेडिकल मास्क मजूसे कापःया मास्क तयेत तकं विज्ञपिन्सं सुझाब ब्यूगु दु । 

जोखिमय् दूगु व संक्रमितया स्याहार यानाच्वंपिं मनुखं मेडिकल मास्क तयेमाःगु जानकारी डब्ल्यूएचओ नं विगतय् हे ब्यूगु खः ।

मास्क छ्यले बलय् संक्रमण छुं हदतक ब्वलने मफइगु विज्ञपिन्सं अनुमान याःगु दु ।

Categorized in अन्तर्राष्ट्रिय