Header Nepal rastra bank Adv

विश्व बजारय् कच्चा चिकंया मू थाहाँ वन, नेपालय् चिकंया मू गथे जुइ ?

नेवा: अनलाइन न्युज – ललेन्द्र शाक्य | २०७९ जेठ १७, मंगलबार १७:०४:३४

विश्व बजारय् कच्चा चिकंया मू थाहाँ वंगु दु । मू थाहाँ वनेधुंकाः विश्व बजारया मूयात लिच्वः लाःगु दु ।

ब्रेन्ट क्रुडया प्रति ब्यारल कच्चा चिकंया मू १२४ डलर थ्यंगु दु । ओपेक बास्केटया ११८ डलर दु । डब्ल्युटीआई क्रुडया ११९ डलर दु ।

दकले अप्वः कच्चा चिकं उत्पादक देय् साउदी अरेबियां कच्चा चिकंया मू अझ थकायेत्यंगु आयल प्राइसल डट कमं न्ह्यथंगु दु । रुसं युक्रेनयात आक्रमण यायेधुंकाः मदिक्क थाहाँ वनाच्वंगु चिकंया मूपाखें नेपाःया बजाः नं लिच्वः लानाच्वंगु दु ।

नेपालय् पेट्रोलया प्रतिलिटर १८० तका थ्यंगु दुु । विश्व बजाःयाा मूल्यबृद्धिं आन्तरिक बजाः हाकनं लिच्वः लायेफु । सरकारं पेट्रोलियम पदार्थय् कयाः वयाच्वंगु करमध्ये गुलिखे क्वपालाः चिकंया मू क्वकायेगु बजेट भाषणय् न्ह्यथंसां नं मूल्यबृद्धि क्वपाःगु दु । उकिसनं विश्व बजारय् चिकंया मू बृद्धि जूगुलिं आन्तरिक बजारय् तःधंगु लिच्वः लायेफु ।

Categorized in अन्तर्राष्ट्रिय