नेवा: अनलाइन न्युज | २०७६ जेठ १८, शनिबार १२:४४:१६

भारतय सन् २००२ स जूगु सर्भेलय् ८७ प्रतिशत मनूतसें थःपिंधर्म माने याईपिं धाःगु खः, तर थ्व लाः आः याइपिं धाःगु खः, तर थ्व ल्याः आः म्हो जुयाः ८१ प्रतिशतय कुहां वःगु दु । थुकिया अर्थ अन धर्म माने याना धाःपि मनूत न्हय्दँया दुने छ प्रतिशतं कुहां वःगु दु । खतुं अन न्हापा ४ प्रशितशत मनूतसें थःपिं नास्तिकहे खः धकाः दावी यानाः धाःगु खःसा आः ३ प्रतिशत मनूतसे जक उकथं धाल । धर्म माने मयानाः धकाm धइपिं मनूत नास्तिक धकाः धायेगु खःसा ल्याः अप्वःगु दु ।
विश्वन्यंकया प्रबृति स्वयेगु खःसा थथहे खः । विश्व त्यकं धर्म माने याना धकाः धईपिनि ल्याः ९ प्रतिशत म्हो जूगु दु । नागरिकहे खः धइपिनि ल्याः ३ प्रतिशत अप्वःगु दु– विश्वन्यकंया सर्वेक्षणय् । लण्डन प्रकाशित जूगु छगु प्रतिवेदनकथं थःत धर्म याना कि मयाना धइगु न्हयसःया लिसलय् याना धइपिनि ल्याः कुहां वःगु दु ।
पाकिस्तानय् धाःसा हानं धर्म माने याना धइपिनि ल्यः ६ प्रतिशतं अप्वःगु दु । थौकन्यहय् रोमन क्याथोतिक चर्चय पोप जुयाच्वंम्ह फान्सिया देय् अर्जेन्टिनाय् नं थःपि धर्म माने याना धइपिनिल्हाः ८ प्रतिशत म्हो जूगु दु ।
दक्षिण अफ्रिाकाय् ला १९ प्रतिशत म्हो जूगु दु । धाःसा अमेरिकाय् १३ प्रतिशत स्वीजरल्याण्डय २१ प्रतिशत व लिपतनामय २३ प्रशितत म्हो जूगु दु ।
विश्व त्यंक व्यापार महादेशया देसय् मुक्कं ५१,९२७ म्हेसित थुुगु सर्भेक्षणय् व्वतित कायेकाः न्हयसः त्यंगु खः । हरेक देसय् सरदर १ हजार मनूतयत साम्पल काःगु खः  । गुकी मिस्त व मिजंल दुथ्याः धर्मया विश्वास मयाना धकाः धइपिं दक्कय आपाः दुगु देय् धाःसा चीन खनेदुगु दु । थन ५० प्रतिशत मनूत उज्वःनि दु ।
खतुं धर्म माने मयाना, धःदु धइगुलिई विश्वास मदु धइपिं मनूत थःपिं नास्तिक हे खः धकाः व्वयाः क्यानाः विरोध याना जूगु ला खास मदु । इमिसं्र साधारण रुपं जक न्यनेबलय लिसः कथं जक धायेगु याना च्वंगु दु । तर कथुकथहे प्रबृति विकास जुया वनीगु खःसा विश्वय् नास्तिकयतयगु ल्याः बहुमतय थ्यनाः धर्मकर्म बुलुहँ तनावनीगु भय नं दु ।
थ्वसिंक न्हयःया पोप जोन पोल विश्वय् न्यनावना च्वंगु धर्मनिरपेक्षतावादया विरुद्ध संघर्ष यायेमाल धकाm न्हयाा नं न्वाावःगु खः । छुखे रिचर्ड डकिन्स थुज्वःप्रिं मनूतसे थःत जुझारु नास्तिक धकाः धयााः फर्मया विरुद्ध प्रचार तेज यानाच्वंगु दु व बेलातय् धर्म माने मयाइपिनि ल्याः अप्वःगु क्यानाः थःम्हं धयाचक्कानागु खँय् मनूत दयावयाच्वंगु नं धाःगु खः
सन् २०१२ या अक्टोवर ७ स जूगु रोमन क्याथोलिक मतया पादरीलय्गु भेला जूगुलि विश्वय्धर्मनिरेपक्ष्ँतावादया विरुद्ध संघर्ष यायेमाःगु व थुकिं यूरोपय् रोमन क्याथोलिक धर्मप्रति आस्था म्हो जुयाः वनाच्वंगुलि विशेष च्यूताः क्यंगु खः । थुकिं बाबुबलय सुसमाचारयात न्हयगुकथं न्हयःने यकेमाःगु खँपिहां वःगु खः ।
झीत रोमन क्याथोलिज्म नाप छुं सरोकार दुगु ल खँ मखु । तर झीनं धर्म निरपेक्षता पक्षधरतजूगु या ल्याखं आः नेपालय् नं जनगणना कायेबलय् नास्तिकतयगु नं ल्याः कायेगु व्यवस्था धाःसा जुइमाःगु खनेदु ।
छायकि आः धर्म धइगु व्यक्तिया आस्थाया विषय धइगु खँ राज्यं स्वीकार यायेधुकंल । अथे जूगुलिं सु मनु धर्म माने मयाना धइ व थःत नासिकहे धाई धकाः धाःसा नेपालय् न इमिगु ल्या कायेमाः ।

थीथी स्रात पाखें