Arin Enterprises

विश्वकप : थौं नं प्यंगू कासा, ब्राजिललिसे सर्वियां भिडन्त याइगु

नेवा: अनलाइन न्युज – ललेन्द्र शाक्य | २०७९ मङ्सिर ८, बिहिबार ११:४६:१८

कतारय् जुयाच्वंगु फिफा विश्वकप फुटबल २०२२ य् थौं बिहिवाः प्यंगू कासा जुइगु जूगु दु । समूह जी व समूह एच या निगू निगू कासा जुइगु जूगु दु ।

समूह जी दुने लाःगु स्वीट्जरल्याण्ड व क्यामरुन दथुइ न्हापांगु कासा जुइ । कासा नेपाली ई कथं न्हिनय् ३ः४५ ता इलय् अल जानोबल स्टेडियमय् जुइ । थौं बिहिवाःया निगूगु कासा समूह एच दुने लाःगु उरुग्वे व दक्षिण अफ्रिका दथुइ बहनी ६ः४५ ता इलय् जुइ । थ्व कासा एजुकेशन सिटी स्टेडियमय् जुइ ।

समूह एच दुने हे लाःगु पोर्चुगल व घाना दथुया कासा बहनी ९ः४५ ता इलय् जुइसा अथेहे, समूह जी दुने लाःगु ब्राजिल व सर्विया दथुइ चान्हय् १२ः४५ ता इलय् जुइ । थ्व कासा लुसेन आइकोनिक स्टेडियमय् जुइ ।

थौं बिहिवाःया कासा लिपा विश्वकपय् सहभागी ३२ गू हे टिमया छगू छगू कासाया समीकरण पूवनी ।

Categorized in कासा