zero media family planning adv

विराटनगरय् हाकनं निवाः लकडाउन

नेवा: अनलाइन न्युज – ललेन्द्र शाक्य | २०७७ श्रावण १६, शुक्रबार १६:०९:५९

विराटनगर महानगरपालिकाय् कन्हय् शनिवाःनिसं लागू जुइगु कथं निवाःया नितिं हाकनं लकडाउन घोषणा याःगु दु ।

समुदायस्तरय् कोरोना भाइरस कोभिड १९ या संक्रमण खनेदूगु निष्कर्षलिसें महानगरपालिकां लकडाउन यायेगु निर्णय यायःगु मेयर भीम पराजुलीं जानकारी ब्यूगु दु ।

नगरस्तरीय कोभिड १९ क्राइसिस म्यानेजमेन्ट सेन्टरया थौं शुक्रवाः च्वंगु बैठकं कोरोना संक्रमण नियन्त्रण व रोकथामया नितिं लकडाउन यायेगुया विकल्प मदूगु निष्कर्ष पिकाःगु मेयर पराजुलीं धाःगु दु ।

लकडाउन शुक्रवाः चान्हय् १२ ता ईनिसें लागू जुइ ।

मेयर पराजुलीं धाःगु दु, महानगर दुने १०० म्हसिबें अप्वः संक्रमित लुयावयेधुंकूगु दु । समुदायस संक्रमणया दर अप्वयाच्वंगु दु । उकिं अत्यावश्यक बाहेक मेमेगु ज्याया नितिं पिने पिहाँ वयेगुलिं बन्देज तयेगु निर्णय यानागु दु ।

थ्वसिबें न्ह्यः आइतवाः च्वंगु क्राइसिस म्यानेजमेन्ट सेन्टरया बैठकं लकडाउन चालेधुंकाः खुल्ला जूगु वाःपतिंया हाटबजाः नं बन्द यायेगु, कोरोना जाँचया दायरा नं अप्वयेकेगु निर्णय याःगु खः ।

Categorized in राष्ट्रिय