विप्लव नेतृत्वया नेकपाया एकता दिवस : थीथी ज्याझ्वः व सुरक्षा एलर्ट
नेवा: अनलाइन न्युज – ललेन्द्र शाक्य | २०७७ मङ्सिर ८, सोमबार १४:०६:०८
नेत्रविक्रम चन्द विप्लव नेतृत्वया नेपाल कम्युनिष्ट पार्टी सक्रिय जूगु दु । उगु पुचलं थौं न्हयक्वःगु पार्टी पुनर्गठन व एकता दिवस न्यायेकाच्वंगु दु । विप्लव पुचलं देय् न्यंकं थीथी ज्याझ्वःत तयाः सक्रियता क्यंगु दु ।
विप्लव पुचलं म्हिगः आइतवाः व म्हीग शनिवाः देय् न्यंकं प्रदर्शनया ज्याझ्वः तःगु खः । थीथी थासय् सभा तक ग्वसाः ग्वःगु खः । विप्लवं छुं छुं थासय् बम विष्फोट तकं याःगु खः ।
शनिवाः प्रचारप्रसार ज्याझ्वः धासें देय् न्यंकंया सरकारी ज्याकुथिइ पोष्टर तिकूगु खः । आइतवाः देय् न्यंकं प्रदर्शन व सभात याःगु खः ।
तत्कालीन नेकपा माओवादीपाखें ब्यागलं च्वनाः मोहन वैद्य किरण नेतृत्वया नेकपा माओवादी जुयाः विप्लवं नेपाल कम्युनिष्ट पार्टी नीस्वंगु खः । वं भूमिगत जुयाः सैन्य गतिविधि तकं न्ह्याकाः वयाच्वंगु दु ।
अथेहे, विप्लवया सम्भावित गतिविधियात दृष्टिगत यानाः सुरक्षा कडा याःगु दु । विप्लव नेतृत्वया नेकपां हिंसात्मक गतिविधि यायेफूगु धासें सुरक्षा निगरानी अप्वयेकूगु दु ।
Categorized in राजनीति