1142 nhoo dan adv

विद्यार्थीपिं नेतापिनिगु छेँछेँय् वनाः सः थ्वयेकल धाःसा मूल्यबृद्धि कन्हय् हे लितकाइ : नायः प्रेमलाल महर्जन

नेवा: अनलाइन न्युज – ललेन्द्र शाक्य | २०७८ कार्तिक २६, शुक्रबार १६:३१:५८

खाली आयल निगम डुबे जुल धयाच्वंगु दु । सुब्बा, खरदारं अफिसया मोटरसाइकल गइ । तर, न्हिथं १०५ तका यातायात सुविधा नं काइ । आयल निगमया कर्मचारी ला शेखत जूगु दु, नेपालय् शेखत मालेत गनं वनेम्वाः, आयल निगम वंसा गाः ।’

राष्ट्रिय उपभोक्ता मञ्चया नायः प्रेमलाल महर्जनं आः जनता अतिकं तःधंगु मारय् लाःगु गुनासो प्वंकूगु दु । तःक्वःमछिया मूल्यबृद्धिया हुनिं जनताया भुतू मच्याइगु खतरा खनेदूगु महर्जनया गुनासो दु ।

राष्ट्रिय उपभोक्ता मञ्चया नायः महर्जनं धाःगु दु, ‘झीपिं पीडाय् लाःगु दु । आयल निगमयाके आः जनतालिसे फेश यायेगु अवस्था मदु । १२ दिं न्ह्यः मूल्यबृद्धि याःबलय् अन्तर्राष्ट्रिय बजारय् मूल्यबृद्धि जूगुलिं यानागु धाल, थ्व १२ दिंया दथुइ अन्तर्राष्ट्रिय बजारय् मू ४ डलर क्वाहाँ वंगु दु, अले आयल निगमं मूल्यबृद्धि जुल धकाः गुकथं धायेफूगु जुइ ? १२ दिं दुने हे सहयानाः यायेमफूगु स्थिति वल, यक्व घाटा जुल धकाः मूल्यबृद्धि यात । थ्व गलत खः ।’

निगमं भारतीय बजारय् नेपाली बजारसिबें थिके जुल धाःगु बारे नं महर्जनं कडा आपत्ति प्वंकूगु दु ।

‘भारतीय बजारय् मू थाहाँ वन अरे, छु नेपाः भारतया अंग खः ला ? भारतलिसे मू दाँजेयायेगु अर्थ हे मदु । ६ दिं न्ह्यः भारतीय प्रधानमन्त्री नरेन्द्र मोदीं पेट्रोलियम पदार्थय् तःगु अन्तःशुल्क चिइकाः बिल, अन आः प्रतिलिटटर २३ तका क्वकाल । थुखे आयल निगमं धाःसा खाली एकोहोरो रुपं अन्तर्राष्ट्रिय भाः थाहाँ वन धयाच्वंगु दु ।

महर्जनं धाःगु दु, ‘भारतीय बजारय् मू थाहाँ वन अरे, छु नेपाः भारतया अंग खः ला ? भारतलिसे मू दाँजेयायेगु अर्थ हे मदु । ६ दिं न्ह्यः भारतीय प्रधानमन्त्री नरेन्द्र मोदीं पेट्रोलियम पदार्थय् तःगु अन्तःशुल्क चिइकाः बिल, अन आः प्रतिलिटटर २३ तका क्वकाल । थुखे आयल निगमं धाःसा खाली एकोहोरो रुपं अन्तर्राष्ट्रिय भाः थाहाँ वन धयाच्वंगु दु । अले खाली आयल निगम डुबे जुल धयाच्वंगु दु । सुब्बा, खरदारं अफिसया मोटरसाइकल गइ । तर, न्हिथं १०५ तका यातायात सुविधा नं काइ । आयल निगमया कर्मचारी ला शेखत जूगु दु, नेपालय् शेखत मालेत गनं वनेम्वाः, आयल निगम वंसा गाः ।’

‘निगमया कर्मचारीपिन्सं बोनस छाय् नयेमाल ? मोजा हिइतः साबुंया भत्ता धकाः काःगु दु, थ्व सिबें अप्वः छु माल ले ?

राष्ट्रिय उपभोक्ता मञ्चया नायः प्रेमलाल महर्जनं निगमं ३ करोड नेपाःमिपिन्त हैरान यायेगु ज्या यानाच्वंगु द्वपं ब्यूगु दु । महर्जनं धाःगु दु, ‘निगमया कर्मचारीपिन्सं बोनस छाय् नयेमाल ? मोजा हिइतः साबुंया भत्ता धकाः काःगु दु, थ्व सिबें अप्वः छु माल ले ? झीपिं सर्वसाधारण उपभोक्तापिन्त मार मलाइगु कथं मू निर्धारण यायेमाः । पेट्रोलियम पदार्थय् आपालं कर कायेगु यानाच्वंगु दु । थ्व फुक्क गलत खः । थ्व विकृतित सचेयायेमाः ।’

निगमयात महर्जनं जनतायात हदैतक बेकुफ यायेगु ज्या मयायेत नं ख्याच्वः ब्यूगु दु । महर्जनं धाःगु दु, ‘सरकारया कूनीतिया हुनिं थौं झी जनता मारय् लानाच्वंगु दु । विद्यार्थी आन्दोलित जुल, थ्व लसताया खँ खः । विद्यार्थीपिं नेतापिनिगु छेँछेँइ् वनाः सः थ्वयेकल धाःसा कन्हय् हे मूल्यवृद्धि क्वाहाँ वइ ।’

Categorized in बजाः