dudha jayanti 2568

विक्रम संवतया न्हूदँ न्यायेकेत थीथी रिसोर्ट बुकिङ

नेवा: अनलाइन न्युज – ललेन्द्र शाक्य | ने.सं. ११४४ चिल्लाथ्व चौथी (२०८० चैत्र ३० गते) शुक्रवाः

वि.सं. २०८० यात बिदा बियाः २०८१ न्हूदँ हनीगु नितिं थौं शुक्रवाःनिसें थीथी होटल व रिसोर्टय् मनोरञ्जनात्मक ज्याझ्वः न्ह्याःगु दु ।

न्हूदँया लसताय् थः छेँजःपिं, पासा पुचःपिंनापं च्वनाः नयेत्वनेगु व न्ह्याइपुकेगु नितिं छवाः न्ह्यःनिसें हे नांजाःगु होटल रिसोर्ट बुकिङ जूगु दु ।

कन्हय् शनिवाः वि.सं. २०८१ न्हूदँया दिं खःसा थुगु दिं देय् न्यंकं हे थःगु लजगाः त्वःताः वि.सं.या न्हूदँयात लसता कथं न्ह्याइपुक्क हनेगु यानाः वयाच्वंगु दु ।

कन्हय् न्हूदँया लसताय् थीथी कलाकारपिन्सं सांस्कृतिक ज्याझ्वः यायेगु ग्वसाः नं देय् न्यंकंया थीथी थासय् यानातःगु दु ।

Categorized in राष्ट्रिय