Newa Ekata Diwas Gosthi Adv

वा वइगु सम्भावना, अतिकं ख्वाउँगु अप्वल

नेवा: अनलाइन न्युज – ललेन्द्र शाक्य | २०७७ मङ्सिर १०, बुधबार १६:४०:२३

थौं बुधवाः स्वनिगःलिसें देसया आपालं थासय् ख्वाउँगु अप्वःगु दु । देसया थीथी थासय् वा वइगु व च्वापुवा गाइगु सम्भावना आपालं दूगु जानकारी मौसमविदपिन्सं ब्यूगु दु ।

मौसम पूर्वानुमान महाशाखाया कथं आः देसय् पश्चिमी वायुया लिच्वः खनेदूगु दु । सुदूरपश्चिम, कर्णाली व गण्डकी प्रदेशय् आंशिक निसें सामान्य बदली व लुम्बिनी, प्रदेश ३ व प्रदेश १ या पहाडी भूभागय् आंशिक बदलीया अवस्था जूगु महाशाखां जानकारी ब्यूगु दु ।

थौं बुधवाः बहनी प्रदेश ३, गण्डकी, लुम्बिनी, कर्णाली व सुदूरपश्चिम प्रदेशया उच्च पहाडी व हिमाली भूभागय् हल्का च्वापुवा गाइगु सम्भावना दूगु जानकारी महाशाखां ब्यूगु दु । देसया पहाडी भूभागया छुं थासय् हल्का वा वइगु नं सम्भावना दूगु मौसम पूर्वानुमान महाशाखां जानकारी ब्यूगु दु ।

हल्का वालिसें देसया आपालं थासय् वायुया तापक्रमय् गिरावट वइगुया लिसें तराई भूभागय् सुथय् पारदर्शिताय् कमी जुया सतक व हवाई यातायातय् लिच्वः लाइगु सम्भावना दूगुलिं सतर्कता छ्यलेत महाशाखां इनाप याःगु दु ।

Categorized in राष्ट्रिय