Header Nepal rastra bank Adv

वा वःगु हुनिं नेपाः व जिम्बाब्बे दथुया कासा दित

नेवा: अनलाइन न्युज – ललेन्द्र शाक्य | २०७९ बैशाख १९, सोमबार १५:५५:०३

नेपाः व जिम्माब्बे दथुया जुयाच्वंगु निगूगु कासा वा वःगु हुनिं लिच्वः लानाः दिकूगु दु । न्हापांगु कासाय् ६ विकेटं बूगु नेपाली राष्ट्रिय क्रिकेट टिमं थौं सोमवाः निगूगु कासाय् पाहाँ टोली जिम्बाब्बे ए विरुद्ध टस त्याकाः फिल्डिङ याःगु खः ।

किपूया त्रिभुवन विश्वविद्यालय मैदानय् नेपाःया कप्तान सन्दीप लामिछानें टस त्याकाः जिम्बाब्बेयात ब्याटिङ याके ब्यूगु खः । ४८–२ या स्थितिइ वा वयेधुंकाः कासा द्यूगु खः । आइतवाः जूगु न्हापांगु कासाय् बलिङ व ब्याटिङ निगुलिं चुकेयाःम्ह नेपाः घरेलु मैदानय् पराजित जूगु खः ।

उकिं नेपाः निगूगु कासाय् हारया बदला कासें श्रृंखला १–१ या अवस्थाय् हये चाहेजूगु खः । नेपालं अमेरिकाय् जुइगु आईसीसी मिजं क्रिकेट विश्वकप लिग २ या तयारी कथं जिम्बाब्बेलिसे म्हितेत्यंगु खः ।

थ्वसिबें न्ह्यः तीन एकदिवसीय कासा व वधुंकाः तीन टी २० कासा जुइगु धाःसां नं वा वःगु हुनिं न्हापां टी २० न्ह्यः सारेयाःगु खः । स्वंगूगु व लिपांगु टी २० बुधवाः जुइ । वधुंकाः तीन एकदिवसीय कासा जुइगु क्यानं जानकारी ब्यूगु दु ।

Categorized in कासा