prabhu baink new

वामदेव गौतम राष्ट्रियसभा दुजः मनोनित

नेवा: अनलाइन न्युज – ललेन्द्र शाक्य | २०७७ आश्विन १, बिहिबार १५:००:२८

सत्तारुढ नेपाल कम्युनिष्ट पार्टी नेकपाया न्वकू वामदेव गौतम राष्ट्रियसभा दुजः मनोनित जूगु दु । मन्त्रिपरिषदया सिफारिसय् राष्ट्रपति विद्यादेवी भण्डारीयात गौतमयात राष्ट्रियसभा दुजः मनोनित याःगु खः ।

तत्कालीन अर्थमन्त्री डा. युवराज खतिवडाया कार्यकाल क्वचायेधुंकाः राष्ट्रियसभाय् राष्ट्रपतिं मनोनित याःपिं स्वंगू मध्ये छगू सिट फागुननिसें खाली जुयाच्वंगु खः ।

सोमवाः च्वंगु मन्त्रिपरिषद बैठकं वहे सिटय् गौतमयात मनोनित यायेत राष्ट्रपति न्ह्यःने सिफारिस याःगु खः ।

उकिया प्यन्हु लिपा राष्ट्रपतिं गौतमयात मनोनयन याःगु खः । गौतमया मनोनयन जुइधुंकूगु दु । आः संघीय संसदयात जानकारी बिइगु जुइ धकाः राष्ट्रपतिया स्वकीय सचिव भेषराज अधिकारीं धाःगु दु ।

Categorized in राजनीति