zero media family planning adv

वर्ल्ड रेकर्डया दसिपौ राज्यमन्त्री रामबीर मानन्धरयात लःल्हात

नेवा: अनलाइन न्युज – ललेन्द्र शाक्य | २०७७ माघ २१, बुधबार १६:०२:३४

मद्दिक्क ४ घण्टा ५ मिनेट २० सेकेन्डतक म्ये हालाः गिनिज बुक्स अफ वर्ल्ड रेकर्डस् कायम यानादीम्ह शहरी विकास राज्यमन्त्री रामवीर मानन्धरयात उगु कीर्तिमानीया दसिपौ लःल्हाःगु दु ।

भारतया न्हूदिल्लीइ ग्वसाः ग्वःगु ज्याझ्वलय् राज्यमन्त्री मानन्धरयात भारतया सामाजिक न्याय व अधिकारिकता राज्यमन्त्री रामदास आठवें उगु दसिपौ लःल्हाःगु खः ।

मन्त्री मानन्धर वंगु पुस १० गते उगु अवधिइ म्ये हालादीगु खः । ज्याझ्वलय् शहरी विकास राज्यमन्त्री मानन्धरं नेपाः व भारतदथुया पौराणिककालनिसें स्वापू दूगु धासें निगू देसदथुया स्वापू थप सुमधुर यायेत फुक्क पक्षं भूमिका म्हितेमाःगुलि बः बियादीगु खः ।

मन्त्री रामवीर मानन्धरलिसे दिल्ली अध्ययन केन्द्रं अन्तरक्रिया ज्याझ्वःया नं ग्वसाः ग्वःगु दु । भारतीय जनता पार्टीया विदेश विभाग प्रमुख विजय जोलीं ज्याझ्वःया संयोजन याःगु खः ।

Categorized in कला