coved ad

लोकन्थलीइ ट्याटु खोपेयायेत लाइनय् च्वनाच्वंम्ह मिजं सित

नेवा: अनलाइन न्युज – ललेन्द्र शाक्य | २०७८ पौष २९, बिहिबार ११:३८:१६

ख्वपया लोकन्थलीइ ट्याटु खोपेयायेत लाइनय् च्वनाच्वंम्ह छम्ह मिजं सीगु दु ।

सीम्ह ख्वपया मध्यपुर थिमि नगरपालिका लोकन्थली छेँ जुयाः कोटेश्वरय् च्वनाः वयाच्वंम्ह ३३ दँया विराज खड्का जूगु महानगरीय प्रहरी परिसर ख्वपया प्रहरी नायव उपरीक्षक राजु पाण्डें जानकारी ब्यूगु दु ।

ट्याटु खोपेयायेत पाः पियाच्वंगु इलय् विराज खड्का आकाझाकां ग्वःतुला अचेत जूगु खः । वधुंकाः वयात वासः यायेगु नितिं केएमसी अस्पताल सिनामंगल यंकूगु खः । खड्का वासः यायेगु झ्वलय् वहे अस्पतालय् सीगु प्रहरीं जानकारी ब्यूगु दु ।

घटनाया बारे विस्तृत अनुसन्धान जुयाच्वंगु प्रहरी नायव उपरीक्षक पाण्डें जानकारी ब्यूगु दु ।

Categorized in दुर्घटना-अपराध