nepal investment baink

लोककवि जकःमि ‘बुंगद्यः व याकः मिसा’ म्यूजिक भिडियो यूट्युबय् लोकं ह्वात (भिडियो)

नेवा: अनलाइन न्युज | २०८० भाद्र १२, मंगलबार १५:४४:०३

लोककवि राजभाई जकःमि ‘बुंगद्यः व याकः मिसा’ म्यूजिक भिडियोया १ लख ९३ हजार स्वकुमिपिनिगु ल्याः थ्यंगु दु ।

लोककवि राजभाई जकःमिं च्वयादीगु ब्याँचुलि लोकलसं थ्वयाच्वंगु ‘याकः मिसाया छेँ खः झीगु किपू देय्या प्यंगः थां’ बोलया म्येया म्यूजिक भिडियोथौंतकया दुने स्वकुमिपिनिगु ल्याः उलि थ्यंगु खःसा स्वकुमिपिनिगु ल्याः न्हिथं अप्वयाः वयाच्वंगु दु ।

लोककवि जकःमिया अफिसियल यूट्युब च्यानल ‘च्बवदजबष् व्बपबmष्’ नांया यूट्ब च्यानलय् वंगु सन् २०२३ मे ९ तारिखस अपलोड जूगु खः । थ्व ल्याखं निलाया दुने १ लख ९३ हजार स्वकुमिपिनिगु ल्याः थ्यंगु खःसा थुगु म्ये युट्युब च्यानलय् लोकं ह्वानाच्वंगु दु ।

 

लोककवि जकःमिया थुगु म्ये बुंगद्यःलिसे स्वानाच्वंगु किपू देय्या तःजिगु छपू सांस्कृतिक म्ये खः । थ्व म्येदुने किपू व यल देय्या सांस्कृतिक व धार्मिक स्वापूया विषयस बांलाक्क चित्रण यानातःगु दु ।

सुरेन्द्र श्रेष्ठया संगीत संयोजनय् सायमिया सूर मेलोडी रिकर्डिङ स्टुडियोस रिकर्ड जुयाः पिदंगु थुगु म्येय् नांजाःपिं किपूया म्ये हालामिपिं सतीश महर्जन, मथुरा महर्जन, कृष्णमान डंगोल, रीता महर्जन, रत्नशोभा महर्जन व दीपा महर्जनं सः बियातःगु दु ।

अथेहे, थुगु म्यूजिक भिडियो नांजाःम्ह कलाकार हिसिला महर्जन राजमतिं अभिनय यानादीगु दु ।

थुगु म्येया म्यूजिक भिडियोया छायांकन व सम्पादन राजेश शाक्यं यानादीगु खःसा ललेन्द्र शाक्यं निर्देशन यानादीगु खः ।

थन क्लीक यानाः म्यूजिक भिडियो स्वयादिसँ

Categorized in कला