zero media family planning adv

लुम्बिनी प्रदेश मुख्यमन्त्री शंकर पोखरेलविरुद्ध अविश्वास प्रस्ताव तयारी

नेवा: अनलाइन न्युज – ललेन्द्र शाक्य | २०७७ चैत्र २४, मंगलबार १०:१३:५४

लुम्बिनी प्रदेशया मुख्यमन्त्री शंकर पोखरेलविरुद्ध अविश्वास प्रस्ताव दर्ता यायेगु तयारी जूगु दु ।

मुख्यमन्त्री पोरखेलयात अविश्वास प्रस्ताव प्रदेशसभाय् दर्ता याकेत कांग्रेस, माओवादी केन्द्र, जसपा व जनमोर्चा दथुइ गठबन्धन यायेगु कुतः जुयाच्वंगु दु । उकिया नितिं कांग्रेसं आन्तरिक सहलह ब्यापक याःगु दु ।

मुख्यमन्त्री पोखरेलविरुद्ध अविश्वास प्रस्ताव दर्ता यायेत विपक्षी दलत दथुइ गोप्य व अनौपचारिक सहलह ब्यापक जुयाच्वंगु दु । क्वमचाःसां नं छवाःया दुने हे अविश्वास प्रस्ताव दर्ता यायेगु कथं तयारी जुयाच्वंगु जानकारी ब्यूगु दु ।

माओवादी केन्द्र, जसपा व जनमोर्चाया समर्थनय् मुख्यमन्त्री कांग्रेसं कायेगु सहमति कथं अविश्वास प्रस्ताव दर्ता जुइत्यंगु खः ।

लुम्बिनीया प्रदेशसभाय् ८७ म्ह दुजःपिं दु । उकी ४१ म्ह सांसद एमालेया दु । बहुमतया नितिं ४४ म्ह दुजः आवश्यक जुइ । लुम्बिनी प्रदेशय् माओवादी निगूगु दलया रुपं उपस्थित दु । माओवादी केन्द्रयाके २० म्ह सांसद दुसा स्वंगूगु दल कांग्रेसयाके १९ म्ह सांसद दु । जसपाया ६ म्ह व जनमोर्चाया १ म्ह सांसद दु ।

Categorized in राजनीति